ឥណ្ឌា៖ ប្រទេសឥណ្ឌាកាលពីថ្ងៃអង្គារបានកត់ត្រាពីចំនួនអ្នកឆ្លងកូវីត១៩ទាបជាង ១០០ ០០០ករណីដែលជាកម្រិតទាបបំផុតនៅក្នុងរយៈពេលជាង២ខែ ចាប់តាំងពីមានការផ្ទុះឆ្លងរលកទី២នៅថ្ងៃទី៥មេសាមក។
ក្រសួងសុខាភិបាលសហព័ន្ធ បាននិយាយកាលពីអង្គាថា ឥណ្ឌាមានអ្នកឆ្លងកូវីត១៩ថ្មីតិចជាង១០០ ០០០ករណី ដែលជាករណីឆ្លងប្រចាំថ្ងៃ ពោលគឺមានអ្នកឆ្លងថ្មីត្រឹមតែ ៨៦ ៤៩៨ករណីប៉ុណ្ណោះនៅក្នុងរយៈពេល ២៤ម៉ោង ដែលជាចំនួនតិចជាង៦៦ថ្ងៃ។
ក្រសួងសុខាភិបាលថែមទាំង បាននិយាយថា អ្នកស្លាប់នៅទូរទាំងប្រទេសបានកើនឡើងពី៣៥០ ០០០នាក់ ទៅ ៣៥១ ៣០៩នាក់ នៅក្នុងរយៈពេលជិត២ខែកន្លះកន្លងទៅ។ ប៉ុន្ដែ នៅក្នុងរយៈពេល២៤ម៉ោងកន្លងទៅនេះ មានអ្នកស្លាប់ត្រឹមតែ២ ១២៣នាក់ប៉ុណ្ណោះ ជាចំនួនតិចបំផុតដែលពុំធ្លាប់មាន។
ដោយមើលឃើញស្ថានការណ៍ធូរស្រាលនៅក្នុងប្រទេស ដូច្នេះ ផ្នែកខ្លះក្នុងប្រទេសឥណ្ឌាត្រូវបានគេសម្រេចបន្ធូរបន្ថយការបិទខ្ទប់នៅមូលដ្ឋានដែលបានកំណត់។ ដោយឡែក ក្នុងរដ្ឋធានីញូដេលី មិនត្រូវបានអាជ្ញាធរបន្ដបិទខ្ទប់ទេចាប់ពីថ្ងៃច័ន្ទទៅ ហើយបានអនុញ្ញាតអោយអាជីវកម្មនានាបើកដំណើរការតែពាក់កណ្ដាលប៉ុណ្ណោះនៅក្នុងតំបន់ទាំងមូលរបស់ខ្លួន៕ អត្ថបទ៖ មករា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
