អុីស្រាអែល ៖ រដ្ឋមន្រ្ដីការពារជាតិអ៊ីស្រាអែល លោកយ៉ាវ ហ្កាឡិន បាននិយាយ កាលពីថ្ងៃព្រហស្បតិ៍ថា កងទ័ពអ៊ីស្រាអែល កំពុងធ្វើប្រតិបត្ដិការនៅចំណុចកណ្ដាលក្រុងហ្កាហ្សា (Gaza City) និងជិតមន្ទីរពេទ្យ អាល់ ស៊ីហ្វា (Al Shifa) ជាទីដែលលោកនិយាយថា ពួកសកម្មប្រយុទ្ធហាម៉ាស កំពុងលាក់ខ្លួននៅក្រោមដី។

អ៊ីស្រាអែលដែលបានប្ដេជ្ញាបោសសម្អាតក្រុមហាម៉ាសនោះ បាននិយាយថា ក្រុមហាម៉ាស កំពុងប្រើប្រាស់មន្ទីរពេទ្យ អាល់ ស៊ីហ្វា (Al Shifa)ដើម្បីលាក់ប៉ុស្ដិ៍ទីបញ្ជាការ និងចំណុចច្រកចូលទៅក្នុងបណ្ដាញរូង

ក្រោមដីដ៏វែងមួយក្រោមតំបន់ហ្កាហ្សា និងអ្វីមួយដែលក្រុមហាម៉ាស និងមន្ទីរពេទ្យ បានបដិសេធន៍នោះ។

អ្នកនាំពាក្យអង្គការសុខភាពពិភពលោក បាននិយាយនៅថ្ងៃសុក្រនេះថា មន្ទីរពេទ្យ អាល់ ស៊ីហ្វា បានស្ថិតក្រោមការទម្លាក់គ្រាប់បែកយ៉ាងធ្ងន់ធ្ងរ។

លោកហ្កាឡិន បាននិយាយថា អ៊ីស្រាអែល នឹងមិនបញ្ឈប់ការប្រយុទ្ធទេរហូតទាល់តែខ្លួននាំយកចំណាប់ថ្នូរទាំង២៤០នាក់ត្រឡប់មកវិញ ដោយរួមមាន ក្មេងរាប់សិបនាក់ ហើយរហូតទាល់តែខ្លួនទទួលអ្នកទាំងឡាយដែលបានស្លាប់និងពលរដ្ឋអ៊ីស្រាអែលទាំងអស់ដែលរងគ្រោះ៕