ក្រុមអ្នកគាំទ្រគណបក្សប្រឆាំងរបស់ប្រទេសម៉ាដាហ្គាស្ការ បានប៉ះទង្គិចជាមួយនគរបាលនៅក្នុងរដ្ឋធានី Antananarivo( អង់តាណាណារីវ៉ូ) ដែលនាំទៅដល់ការចាប់ខ្លួនមនុស្សជាច្រើននាក់ដោយមន្ត្រីសន្តិសុខ។ ក្រុមទាំងនេះ បានបិទផ្លូវ ដុតភ្លើង និងគប់ដុំថ្មទៅលើនគរបាល។
ប្រទេសដីកោះនៅមហាសមុទ្រឥណ្ឌាមួយនេះ មានផែនការរៀបចំការបោះឆ្នោតប្រធានាធិបតីជុំទីមួយនៅថ្ងៃទី១៦ ខែវិច្ឆិកា។ អំឡុងពេលនៃយុទ្ធនាការ ត្រូវបានរំខានដោយការតវ៉ាជាច្រើនសប្តាហ៍ ដោយមេដឹកនាំគណបក្សប្រឆាំង និងអ្នកគាំទ្ររបស់ពួកគេ។ គណបក្សប្រឆាំង អះអាងថា ប្រធានាធិបតីដែលកំពុងកាន់អំណាច លោក Andry Rajoelina គួរតែត្រូវបានរារាំងមិនឲ្យឈរឈ្មោះ ដោយសារតែលោកទទួលបានសញ្ជាតិបារាំងនៅក្នុងឆ្នាំ ២០១៤ ដែលពួកគេនិយាយថាដកហូតសញ្ជាតិម៉ាឡាហ្គាស៊ីរបស់លោកដោយស្វ័យប្រវត្តិ។
គណបក្សប្រឆាំង បានអំពាវនាវឱ្យមានការផ្លាស់ប្តូរមន្ត្រីដែលកំពុងដំណើរការគណៈកម្មាធិការ រៀបចំការបោះឆ្នោត និងសម្រាប់ការបង្កើតតុលាការពិសេសដើម្បីស្តាប់វិវាទការបោះឆ្នោត។
មេដឹកនាំសភាជាន់ទាបរបស់ប្រទេសម៉ាដាហ្គាស្ការ បានអំពាវនាវ ឱ្យផ្អាកការបោះឆ្នោត ដោយនិយាយថាលក្ខខណ្ឌសម្រាប់ការបោះឆ្នោតមិនត្រូវបានបំពេញ ដែលអ្នកវិភាគនយោបាយមួយចំនួនបានយល់ស្រប។
លោក Rajoelina បានឡើងកាន់អំណាចនៅក្នុងរដ្ឋប្រហារឆ្នាំ ២០០៩ ដែលជំរុញឱ្យអ្នកវិនិយោគបរទេសដកខ្លួនចេញពីប្រទេសកោះនៅមហាសមុទ្រឥណ្ឌាមួយនេះ។ ក្នុងខែនេះ លោកនឹងឈរឈ្មោះប្រជែងជាមួយបេក្ខជនរាប់សិបនាក់ ក្នុងនោះមានអតីតប្រធានាធិបតីពីររូបផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
