អាល្លឺម៉ង់ ៖ បណ្តាមេដឹកនំាមកពីបណ្ដារប្រទេសអារ៉ាប់និងអ៊ីស្លាម បានអំពាវនាវឲ្យវាយតំលៃឡើងវិញនូវរចនាសម្ព័ន្ធសន្ដិសុខអន្ដរជាតិថ្មីៗដើម្បីក្រៀកឲ្យអ៊ីស្រាអែលទទួលចំពោះការសម្លាប់ជនស៊ីវិលក្នុងតំបន់ហ្កាហ្សា និងអនុវត្ដន៍ដំណោះស្រាយរដ្ឋពីរនៅឯជំនួបកំពូលរួមកាលពីថ្ងៃសៅរ៍ ក្នុងប្រទេសអាប៊ីសាអ៊ូឌីត។

ដោយត្រូវបានរៀបចំឡើងនៅក្នុងទីរីយ៉ាដរបស់ប្រទេសអារ៉ាប៊ីសាអ៊ូឌីត ជំនួបកំពូលវិសាមញ្ញរួមអារ៉ាប់ឥស្លាម បានដាក់សម្ពាធលើសហគមន៍អន្ដរជាតិដើម្បីអោយបញ្ចាប់ការប្រយុទ្រគ្នា ដែលបានសម្លាប់ជនជាតិប៉ាឡេស្ទីនជាង១១.០០០នាក់។

មានប្រទេសជិត៦០ បានចូលរួម ដែលមានជាង១ភាគបួនដែលជារដ្ឋសមាជិកសហប្រជាជាតិ ដោយសង្កត់ធ្ងន់ពីការខកចិត្ដរបស់ពួកគេជាមួយនឹងការឆ្លើយតបរបស់សហគមន៍អន្ដរជាតិ ទៅនឹងការទម្លាក់គ្រាប់បែកឥតឈប់ឈររបស់អ៊ីស្រាអែល។

រដ្ឋមន្រ្ដីកាបរទេសអារ៉ាប៊ីសាអេឌីត លោកហ្វៃសាល់ ប៊ីន ហ្វាហាន បាននិយាយថា ផ្នែកមួយនៃសារនេះ គឺចង់បញ្ជាក់ថា រចនាសម្ព័នសន្ដិសុខអន្ដរជាតិថ្មីៗនេះ កំពុងស្ថិតក្រោមការវាយតម្លៃ ពីព្រោះប្រសិនបើសហគមន៍អន្ដរជាតិ មិនអាចក្រៀកអ៊ីស្រាអែលឲ្យទទួលខុសត្រូវបានទេ ពេលនោះ ទង្វើនេះ

វានឹងធ្វើអោយមានការសង្ស័យកាន់តែខ្លាំងឡើង នៅក្នុងចំណោមប្រទេសភាគច្រើននៃពួកយើង ថាតើត្រូវកំណត់ ឬមិត្រូវកំណត់ចំពោះសណ្ដាប់ធ្នាប់អន្ដរជាតិដែលបានបង្កើតឡើង ដើម្បីបំពេញមុខងារនិង

ការធ្វើការងារអោយកាន់តែសកម្មថែមទៀតនោះ។

អ្នកចូលរួមប្រជុំបានធ្វើការសម្រេចចុងក្រោយថា មានតែដំណោះស្រាយអចិន្រ្ទៃយ៍ចំពោះវិបត្ដិនេះទេ ដែលជាមូលគ្រឹះនៃរដ្ឋប៉ាឡេស្ទីនឯករាជ្យដែលរួមបញ្ចូល ដីដែលអ៊ីស្រាអែលបានកាន់កាប់ក្នុងឆ្នាំ១៩៦៧ ជាមួយនឹងក្រុងហ្សេរុយសាឡឹមខាងកើតដែលជារដ្ឋធានីផងដែរ៕