សេតវិមានបាននិយាយកាលពីថ្ងៃចន្ទ (១៣ វិច្ឆិកា) ថា លោកប្រធានាធិបតីអាមេរិក ចូ បៃដិន (Joe Biden) និងប្រធានាធិបតីចិន លោក ស៊ី ជីនពីង (Xi Jinping) នឹង​ពិភាក្សា​អំពី​ការ​ពង្រឹង​ទំនាក់​ទំនង និងការគ្រប់គ្រងការប្រកួតប្រជែង នៅពេល​ដែល​មេ​ដឹកនាំ​ទាំង​ពីរ​រូប​ជួប​គ្នា​នៅខា​ង​ក្រៅកិ​ច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅសប្តាហ៍នេះ។

ជំនួបទល់មុខគ្នានៅតំបន់ឆកសមុទ្រនៃទីក្រុង សាន់ហ្រ្វាន់ស៊ីស្កូ នៅថ្ងៃពុធស្អែកនេះ នឹង​ក្លាយ​ជា​ជំនួប​លើកដំបូងរវាងលោក បៃដិន និងលោក ស៊ី ក្នុងរយៈពេលមួយឆ្នាំ ជាមួយនឹង​ទំនាក់​ទំនង​ការ​ទូត​ដែល​មាន​ហានិភ័យ​ខ្ពស់​ក្នុង​គោល​បំណង​ទប់​ស្កាត់​ភាព​តាន​តឹង​រវាង​មហា​អំណាច​ទាំង​ពីរ​។

ទីប្រឹក្សាសន្តិសុខជាតិរបស់សេតវិមាន លោក Jake Sullivan បានប្រាប់អ្នកយកព័ត៌មានថា លោក បៃដិន ជឿជាក់ថា មិនមានអ្វីជំនួសឲ្យកិច្ចប្រជុំការទូតទល់មុខគ្នា ដើម្បីគ្រ​ប់​គ្រង​ទំនាក់​ទំនង​ដ៏​ស្មុគស្មាញមួយនេះនោះទេ។

លោក Sullivan បាននិយាយថា ទីក្រុងវ៉ាស៊ីនតោន កំពុងស្វះស្វែង​រក​លទ្ធផល​ជាក់​លាក់​ពី​កិច្ច​ប្រជុំ ហើយសង្ឃឹមថានឹងឃើញវឌ្ឍនភាពក្នុងការបង្កើតទំនាក់ទំនងយោធា និង​យោធា​ឡើង​វិញ​ជា​មួយ​ប្រទេសចិន ព្រមទាំងក្នុងការប្រកួតប្រជែងនឹងពាណិជ្ជកម្មឳសថហ្វេតានីល ដែល​បាន​ក្លាយ​ជា​ភាពវឹកវរនៅក្នុងសហរដ្ឋអាមេរិក៕