សេវាការទូតរបស់សហភាពអឺរ៉ុបបាននិយាយកាលពីថ្ងៃចន្ទថា ជនស៊ីវិលប្រហែល ១០០ នាក់ត្រូវបានគេរាយការណ៍ថាបានស្លាប់ក្នុងអំឡុងការសម្លាប់រង្គាលនៅលើភូមិមួយក្នុងប្រទេសប៊ួរីណា ហ្វាសូ ( Burkina Faso) ស្ថិតនៅអាហ្វ្រិកខាងលិច។
វិធានការខាងក្រៅរបស់សហភាពអឺរ៉ុប (EEAS) បាននិយាយនៅក្នុងសេចក្តីថ្លែងការណ៍មួយថា ជនស៊ីវិលជិតមួយរយនាក់ រួមទាំងស្ត្រី និងកុមារ ត្រូវបានគេរាយការណ៍ថាត្រូវបានសម្លាប់នៅក្នុងការសម្លាប់រង្គាលមួយនៅក្នុងភូមិ ហ្សាអ៊ុង ហ្គោ (Zaongo) ក្នុងតំបន់កណ្តាលភាគខាងជើង នៃប្រទេសប៊ួរគីណា ហ្វាសូ ។
ការវាយប្រហារនេះត្រូវបានថ្កោលទោសដោយរដ្ឋាភិបាលសហរដ្ឋអាមេរិក រួមទាំងសហភាពអឺរ៉ុប ដោយបានអំពាវនាវដល់អាជ្ញាធរអន្តរកាលឱ្យបកស្រាយចំពោះស្ថានភាពនេះ នៅពីក្រោយការសម្លាប់រង្គាល ដើម្បីកំណត់ថាអ្នកណាជាអ្នកទទួលខុសត្រូវ។
បច្ចុប្បន្នប្រទេសបួរគីណា ហ្វាសូ ស្ថិតនៅក្រោមការគ្រប់គ្រងរបស់យោធា បន្ទាប់ពីរបបយោធាបានធ្វើរដ្ឋប្រហារជោគជ័យកាលពីខែកក្កដា ឆ្នាំ ២០២២។ ចាប់តាំងពីការកាន់កាប់ដោយយោធាមករបបសឹកមួយនេះ បានផ្តល់អាទិភាពដល់ផ្នែក សន្តិសុខ ប៉ុន្តែបានព្យាយាមទប់ទល់ចលនារបស់ក្រុមអ៊ីស្លាមដែលការវាយប្រហាររបស់ក្រុមនេះ បានបណ្តាលឱ្យមានជនស៊ីវិលជាច្រើននាក់បានស្លាប់នៅឆ្នាំនេះ។
កាលពីដើមខែមេសា ក្រុមអាជ្ញាធរបានស្តីបន្ទោសពួកភេរវករចំពោះការសម្លាប់មនុស្សយ៉ាងហោចណាស់ ៤៤ នាក់នៅក្នុងការវាយប្រហារដាច់ដោយឡែកពីគ្នាលើភូមិនានានៅភាគខាងជើងប្រទេសប៊ួរគីណា ហ្វាសូ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
