ភ្នំពេញ ៖ ពេទ្យភ្នែកគៀនឃ្លាំង ឬមន្ទីរពេទ្យកម្ពុជា បានបំពាក់ម៉ាស៊ីនកុំព្យទ័រថ្មីទំនើបចុងក្រោយសម្រាប់បូមភ្នែកឡើងបាយបានយ៉ាងឆាប់រហ័ស និងគ្មានការឈឺចាប់ ខណៈពេទ្យមួយនេះធ្វើការពិនិត្យ និងបកភ្នែកបាយជូនប្រជាពលរដ្ឋដោយមិនគិតថ្លៃ និងព្យាបាលជារៀងរាល់ថ្ងៃផងដែរ។

ចក្ខុបណ្ឌិត ប៉ាង សាម៉ន វេជ្ជបណ្ឌិតឯកទេសជាន់ខ្ពស់ និងប្រធានពេទ្យភ្នែកកម្ពុជា បានថ្លែងឲ្យដឹងថា នៅថ្ងៃទី១៤ ខែវិច្ឆិកា ឆ្នាំ២០២៣នេះ ពេទ្យភ្នែកគៀនឃ្លាំង បាននាំមកឧបករណ៍កុំព្យូទ័រថ្មី ដែលជាផលិតផលរបស់ជប៉ុនចុង ក្រោយ ហើយឧបករណ៍ដ៏ទំនើបមួយនេះអាចបូមភ្នែកបាយ ឬព្យាបាលភ្នែកបាយដោយមិនចាំបាច់វះកាត់ឬដេរនោះទេ ពោលគឺប្រើប្រាប់តាមបច្ចេកវិទ្យាកុំព្យូទ័រសុទ្ធសាធតែម្តង។

បើតាមលោកវេជ្ជបណ្ឌិត បានឲ្យដឹងផងដែរថា កាលពីមុនពេទ្យភ្នែកគៀនឃ្លាំង ឬពេទ្យភ្នែកកម្ពុ ជាបានធ្វើការព្យាបាលភ្នែកបាយដោយដៃ ហើយធ្វើការព្យាបាលរយៈពេលយូរ និងធ្វើឲ្យភ្នែកអ្នកជំងឺមាន ការឈឺចាប់ និងហើមយូរផងដែរ ប៉ុន្តែសម្រាប់ម៉ាស៊ីនដែលទើបយកមកដល់នាពេលនេះគឺព្យាបាលបាន ឆាប់ និងមិនបង្ករឲ្យមានការឈឺចាប់យូរដូចមុននោះទេ ពោលគឺការព្យាបាលប្រកបដោយសុវត្ថិភាព។

 សូមបញ្ជាក់ថា ពេទ្យភ្នែកគៀនឃ្លាំងធ្វើការពិនិត្យ ឬប្រឹក្សាដល់អ្នកជំងឺដែលមានបញ្ហាភ្នែក ពុំយកសេវានោះទេ ហើយប្រសិនបង ប្អូនប្រជាពលរដ្ឋមានការខ្វះខាតគឺពេទ្យនេះទាំងការស្នាក់នៅ ហូបចុក ទាំងការព្យាបាល និងបំពាក់កែវជាដើមនោះគឺមិនគិតកម្រៃអ្វីទាំងអស់៕ ដោយ ៖ បាន ចក់