អ្នកធ្វើដំណើរមួយចំនួនដែលមកដល់ទីប្រជុំជន នៅព្រឹកថ្ងៃចន្ទ នៅមជ្ឈមណ្ឌលដឹកជញ្ជូន Ogilvie ក្នុងទីក្រុងជីកាហ្គោ ត្រូវបានជួបជាមួយក្រុមអ្នកតវ៉ាដែលអំពាវនាវឲ្យបញ្ចប់ការទម្លាក់គ្រាប់បែករបស់រដ្ឋាភិបាលអ៊ីស្រាអែលទៅលើតំបន់ហ្កាហ្សា។

សកម្មជនសន្តិភាពជនជាតិជ្វីហ្វជាង ១.000នាក់ បានប្រមូលផ្តុំគ្នានៅខាងក្រៅស្ថានកុងស៊ុលអ៊ីស្រាអែលដែលមានទីតាំងនៅអគារ Ogilvie ដើម្បីធ្វើការអំពាវនាវជាបន្ទាន់ឲ្យមានបទឈប់បាញ់ នៅតំបន់ហ្កាហ្សា ជាកន្លែងដែលប្រជាជនប៉ាឡេស្ទីនជាង១១.០០0នាក់រួមទាំងកុមាររាប់ពាន់នាក់ ត្រូវបានសម្លាប់ ចាប់តាំងពីថ្ងៃទី៧ ខែតុលា។

វិបត្តិនៅតំបន់ហ្កាហ្សា មិនបានចាប់ផ្តើមនៅថ្ងៃទី៧ ខែតុលានោះទេ ប៉ុន្តែវាកាន់តែខ្លាំងឡើង នៅថ្ងៃនោះ នៅពេលដែលអ៊ីស្រាអែល ត្រូវបានវាយប្រហារដោយក្រុមហាម៉ាស ដែលសហរដ្ឋអាមេរិក បានកំណត់ថាជាអង្គការភេរវកម្ម បានចាប់ពង្រត់មនុស្សប្រហែល ២៤០នាក់ និងបានសម្លាប់មនុស្ស ១.២០០នាក់ផ្សេងទៀត។

លោក Simone Pass Tucker សមាជិកនៃចលនា IfNotNow បាននិយាយថា៖«យើងកំពុងបិទស្ថានកុងស៊ុល ដោយសារតែអាជីវកម្មជាធម្មតា មិនអាចបន្តបាន នៅពេលដែលអ៊ីស្រាអែល កំពុងប្រព្រឹត្តអំពើប្រល័យពូជសាសន៍លើតំបន់ហ្កាហ្សានោះ»។