រដ្ឋមន្ត្រីការបរទេសអាល្លឺម៉ង់ លោកស្រី Annalena Baerbock បានប្រកាសកាលពីថ្ងៃចន្ទ (ទី ១៣ ខែវិច្ឆិកា) ថា ទីក្រុងប៊ែរឡាំង នឹងបង្កើនជំនួយយោធាដល់ប្រទេសអ៊ុយក្រែនបន្ថែមទៀត។

សារព័ត៌មានអាល្លឺម៉ង់ Die Welt បានរាយការណ៍ថា អំឡុងកិច្ចប្រជុំរដ្ឋមន្ត្រីការបរទេសសហភាពអឺរ៉ុប ឬEU នៅទីក្រុងប្រ៊ុចសែល ប្រទេសបែលហ្ស៊ិក លោកស្រី Baerbock បានលើកឡើងពីវិបត្តិការទូត ដែលកំពុងបន្តមាន ទាក់ទងនឹងបញ្ហា នៅមជ្ឈិមបូព៌ា។

លោកស្រី បានប្រាប់ថា៖ «ទោះជាបីកម្លាំងនៃកិច្ចខិតខំប្រឹងប្រែងការទូតបច្ចុប្បន្ន នៅមជ្ឈិមបូព៌ាក៏ដោយ ក៏វាជារឿងសំខាន់ដូចគ្នា ដែលយើងត្រូវប្រឈមនឹងបញ្ហាភូមិសាស្ត្រនយោបាយ នៅសមរភូមិក្នុងប្រទេស»។ ការគាំទ្ររបស់យើង នឹងកើនឡើងគួរឲ្យកត់សម្គាល់ ជាពិសេសនៅឆ្នាំក្រោយនេះ»។

លោកស្រី Baerbock ក៏បានធ្វើការអត្ថាធិប្បាយផងដែរអំពីក្តីសង្ឃឹមទុកមុនរបស់មេដឹកនាំផ្តាច់ការរុស្ស៊ីលោក Vladimir Putin សម្រាប់ការកាត់បន្ថយការគាំទ្ររបស់ EU ដោយសារការកើនឡើងនូវជម្លោះ នៅមជ្ឈិមបូព៌ា ដោយលោកស្រី បានលើកឡើងថា៖ «លោក Putin កំពុងធ្វើការអបអរលឿនពេក។ យើងមិនត្រឹមតែមានគម្រោងបន្តការគាំទ្ររបស់យើង សម្រាប់អ៊ុយក្រែនប៉ុណ្ណោះទេ ប៉ុន្តែថែមទាំងពង្រីក និងពង្រឹង ការផ្ដល់ជំនួយនេះទៀតផង»។

ឯកអគ្គរដ្ឋទូតអាល្លឺម៉ង់ប្រចាំនៅអ៊ុយក្រែន លោក Martin Eger បានជូនដំណឹងថា ដើម្បីការពារប្រឆាំងនឹងការវាយប្រហារនាពេលខាងមុខរបស់រុស្ស៊ី អំឡុងរដូវរងាឆ្នាំ ២០២៣-២០២៤ អ៊ុយក្រែននឹងទទួលបានប្រព័ន្ធការពារដែនអាកាស IRIS-T ចំនួន២ បន្ថែមទៀតនៅចុងខែធ្នូ៕