ក្រុមពន្លត់អគ្គិភ័យ បានជម្លៀសអ្នកស្រុកដែលជាប់នៅក្នុងក្រុងអូស្តេ (Oste) បន្ទាប់ពីទឹកទន្លេបានហៀរលិចច្រាំងក្រោយមានភ្លៀងធ្លាក់ខ្លាំង នៅពេលយប់នៅតំបន់ទូស្កានី (Tuscany) ភាគកណ្ដាលប្រទេស

អ៊ីតាលីកាលពីថ្ងៃសុក្រកន្លងទៅ។

ក្រុមអាជ្ញាធរ បាននិយាយថា មនុស្ស៦នាក់បានស្លាប់ និងមនុស្សប្រមាណជា១៩០នាក់ទៀត បានជម្លៀសខ្លួនចេញពីលំនៅឋានរបស់ពួកគេទាំងបង្ខំ ក្នុងនោះរួមមាន១៥០នាក់ដែលរស់នៅក្នុងក្រុងប៊ីសេនហ្ស៊ីអូ (Bisenzio) ផងដែរ។

អ្នកស្រីមូនៀ ម៉នី ទីប្រឹក្សាតំបន់សំរាប់ការពារស៊ីវិល បានបញ្ជាក់ពីចំនួនអ្នកស្លាប់ថ្មីៗ ហើយបានបន្ថែមថា មនុស្សម្នាក់នៅតែបាត់ខ្លួននៅឡើយ។រដ្ឋាភិបាលអ៊ីតាលី បានប្រកាសដាក់រដ្ឋក្នុងគ្រាមានអាសន្ន ហើយបានផ្ដល់ប្រាក់ដំបូងចំនួន៥លានអឺរ៉ូ ស្មើនឹង (៥,៤លានដុល្លា ) ដើម្បីជួយតំបន់ដែលទទួលរងគ្រោះធ្ងន់ធ្ងរ។

ឧបនាយករដ្ឋមន្រ្ដី និងជារដ្ឋមន្រ្ដី ហេដ្ឋារចនាសម្ព័ន្ធ លោកម៉ាតេអូ សាលវីនីបានប្រាប់សន្និសីទកាសែតថា មនុស្សប្រមាណជា៤៨.០០០នាក់ ក្នុងតំបន់រងគ្រោះមិនមានអគ្គីសនីប្រើប្រាស់។

ព្យុះស្យារ៉ង់ (Ciaran) ត្រូវបានជំរុញដោយកម្លាំងខ្យល់ដ៏មានឥទ្ធិពល ដែលបានបក់ចេញពីមហាសមុទ្រអាត្លង់ទិក ដោយនាំមកជាមួយនូវភ្លៀងធ្លាក់ខ្លាំង ហើយនិងខ្យល់ខ្លាំង បានបង្ករអោយមានទឹកជំនន់ខ្លាំងរួចទៅហើយ នៅក្នុងប្រទេសអៀកឡង់ខាងជើង ផ្នែកមួយចំនួនរបស់ប្រទេសអង់គ្លេស បែលហ្ស៊ិក ប្រទេសហូឡង់ ហើយនិងប្រទេសបារាំង។

ប្រទេសអ៊ីតាលី ត្រូវគេមើលឃើញថា បានរងផលប៉ះពាល់ខ្លាំងនៃការបម្រួលអាកាសអាកាសធាតុ៕