តុលាការកំពូលរបស់ប្រទេសស្រីលង្កា បានសម្រេចថាអតីតប្រធានាធិបតី Gotabaya Rajapaksa និងប្អូន ប្រុសរបស់ខ្លួនគឺ Mahinda ក្នុងចំណោមអតីតមេដឹកនាំទាំង ១៣នាក់ ដែលទទួលខុសត្រូវចំពោះវិបត្តិហិរញ្ញវត្ថុដ៏អាក្រក់បំផុតមិនធ្លាប់មានរបស់ប្រទេសនេះ។

សេចក្តីសម្រេចនេះ បានបញ្ជាក់ថា៖«សកម្មភាព ការលុបចោល និងការប្រព្រឹត្ត» របស់ពួកគេ បានបង្កឱ្យមានវិបត្តិនេះ។

នៅឆ្នាំ២០២២ អតិផរណា បានកើនឡើង នៅពេលដែលទុនបម្រុងបរទេស ត្រូវអស់ ហើយប្រទេសនេះអស់ប្រេងឥន្ធនៈ ស្បៀងអាហារ និងថ្នាំពេទ្យ។

វិបត្តិនេះ បានបង្កឲ្យមានការតវ៉ាជាសាធារណៈដ៏ធំជាច្រើនខែ ដែលទីបំផុតបានផ្តួលរំលំលោក Rajapaksa។

បន្ទាប់មកលោកបានភៀសខ្លួនចេញពីប្រទេស ប៉ុន្តែបានត្រឡប់មកវិញនៅខែកញ្ញា ឆ្នាំ ២០២២ បន្ទាប់ពីរដ្ឋាភិបាលថ្មីដែលគាំទ្រដោយគណបក្សរបស់ខ្លួន បានចាប់ផ្តើមការចរចាឡើងវិញជាមួយមូលនិធិរូបិយវត្ថុអន្តរជាតិសម្រាប់ការសង្គ្រោះសេដ្ឋកិច្ចឡើងវិញ។