ក្រិក៖ កុប្បកម្មទូទាំងប្រទេសនៅក្នុងប្រទេសក្រិក បាននាំអោយសេវាដឹកជញ្ជូនសាធារណៈ និងសេវាផ្សេងទៀត ត្រូវបញ្ឈប់នៅថ្ងៃព្រហស្បតិ៍នេះ ខណៈដែលសហជីពកម្មករដែលធំជាងគេបំផុត នៅក្នុងប្រទេសបានតវ៉ាទៅនឹងកំណែទម្រង់ការងារ ដោយពួកគេបានធ្វើទឡ្ហីករណ៍ថា កំណែទម្រង់នោះ នឹងធ្វើអោយកន្លែងធ្វើការរមានការប្រែប្រួលច្រើន ពោល គឺធ្វើការកាន់តែច្រើនជាងមុននៅក្នុងអំឡុងពេលឆ្លងមេរោគតែម្ដង។
ការតវ៉ារយៈពេល២៤ម៉ោងកន្លងទៅនេះ ក៏បានបន្ទច់បង្អាក់ដល់មន្ទីរពេទ្យសាធារណៈ និងសេវាសាឡាងទៅ កាន់កោះនានាក្នុងប្រទេសក្រិកផងដែរ។
ក្រុមប្រឆាំងដែលក្នុងនោះ រួមមាន៖ គណបក្សប្រឆាំងឆ្វេងនិយមផងដែរ ដែលគាំទ្រកុប្បកម្មបានចោទរដ្ឋាភិបាលថា បានប្រើប្រាស់ការបិទខ្ទប់ជាផ្នែកមួយដើម្បីបន្ថយសិទ្ធការងារ និងសិទ្ធិការពារផ្លូវច្បាប់ដែលមានយូរមកហើយសម្រាប់អ្នកធ្វើការនោះ។
ដោយឡែក រដ្ឋាភិបាលក្រិកនិយាយថា កំណែទម្រង់ការងារដែលស្នើឡើងនោះ គឺដើម្បីធ្វើអោយទំនើបដល់ច្បាប់ ការងារដែលជាច្រើនទសវត្សមិនធ្លាប់មានការផ្លាស់ប្ដូរ ហើយក៏មិនបានគំរាមកំហែងដល់ការធ្វើការងារ ៨ម៉ោងក្នុង១ថ្ងៃដែរ៕ អត្ថបទ៖ មករា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
