រដ្ឋាភិបាលម៉ិកស៊ិកកាលពីថ្ងៃពុធ បានឆ្លើយតបទៅនឹងការអនុម័តច្បាប់លេខ៤របស់ព្រឹទ្ធសភានៃរដ្ឋតិចសាសដែលបង្កើតឧក្រិដ្ឋកម្មរដ្ឋសម្រាប់ការចូលរដ្ឋដោយខុសច្បាប់ពីម៉ិកស៊ិកនិងអនុញ្ញាតឲ្យអាជ្ញាធររដ្ឋនិងមូលដ្ឋាន និរទេសជនអន្តោប្រវេសន៍ដែលគ្មានឯកសារ ដោយនិយាយថា ខ្លួន ច្រានចោលទាំងស្រុង នូវសំណើចុងក្រោយរបស់រដ្ឋតិចសាស ដើម្បីចាប់ខ្លួន និងនិរទេសជនអន្តោប្រវេសន៍ទៅម៉ិកស៊ិក។

សេចក្តីថ្លែងការណ៍ពីលេខាធិការទំនាក់ទំនងបរទេសរបស់ប្រទេសម៉ិកស៊ិក បានឲ្យដឹងថា៖«រដ្ឋាភិបាល    ម៉ិកស៊ិកសូមបញ្ជាក់ឡើងវិញនូវវិធានការណាមួយដែលគិតអំពីការវិលត្រឡប់ដោយអចេតនារបស់ជនអន្តោប្រវេសន៍ ដោយមិនគោរពតាមដំណើរការត្រឹមត្រូវ។

សេចក្តីថ្លែងការណ៍នោះ បានបន្ថែមថា ម៉ិកស៊ិក ទទួលស្គាល់សិទ្ធិអធិបតេយ្យភាពនៃប្រទេសណាមួយក្នុងការសម្រេចចិត្តគោលនយោបាយសាធារណៈដែលគួរតែត្រូវបានអនុវត្ត នៅក្នុងទឹកដីរបស់ខ្លួន» ប៉ុន្តែម៉ិកស៊ិក ក៏មានសិទ្ធិការពារប្រជាជនប្រមាណ ១០លាននាក់ដែលមានដើមកំណើតម៉ិកស៊ិក នៅរដ្ឋតិចសាស និងបង្កើតគោលនយោបាយអន្តោប្រវេសន៍ នៅក្នុងទឹកដីរបស់ខ្លួន»។

សេចក្តីថ្លែងការណ៍ បាននិយាយថា៖«រដ្ឋាភិបាលនៃប្រទេសម៉ិកស៊ិក បដិសេធជាដាច់ខាតនូវវិធានការណាមួយដែលអនុញ្ញាតឲ្យរដ្ឋ ឬអាជ្ញាធរ ក្នុងតំបន់ឃាត់ខ្លួន និងបញ្ជូនជនជាតិ ឬជនបរទេសទៅកាន់ទឹកដីម៉ិកស៊ិក»។