នគបាលអ៊ីស្រាអែល បាននិយាយនៅថ្ងៃព្រហស្បតិ៍នេះថា ខ្លួនបានបាញ់សម្លាប់និងបានទប់ស្កាត់ជនសង្ស័យម្នាក់ នៅក្នុងសកម្មភាពបាញ់ប្រហារមួយនៅឯកន្លែងត្រួតពិនិត្យផ្លូវក្រោមដីរវាងក្រុង

ហ្ស៊េរុយសាឡឹម និងក្រុងបេប្លេហេម (Bethlehem) ក្នុងតំបន់កាន់កាប់វេស បែង ដោយបានបន្ថែមថា កងទ័ពជាច្រើននាក់ ត្រូវបានដាក់ពង្រាយនៅកន្លែងកើតហេតុ។

សេវារថយន្ដគិលានសង្រ្គោះអ៊ីស្រាអែល បាននិយាយថា គ្រូពេទ្យបឋមសង្គ្រោះរបស់ខ្លួន កំពុងព្យាបាលមនុស្ស

៥នាក់ ដែលរងរបួស ក្នុងនោះរួមមានម្នាក់ស្ថិតក្នុងស្ថានភាពធ្ងន់ធ្ងរ ដែលត្រូវបានបញ្ជូនទៅកាន់មន្ទីពេទ្យ

បន្ទាន់។

បន្ទាប់ពីរយៈពេល១៨ខែ នៃការកើនឡើងអំពើហឹង្សាជាទៀងទាត់ក្នុងតំបន់វេស បែងមក កងទ័ព

អ៊ីស្រាអែល បានបន្ដបង្រ្កាបថែមទៀត តាំងពីការវាយប្រហារកាលពីថ្ងៃទី៧តុលា ដោយបានចាប់ខ្លួនមនុស្សរាប់រយនាក់ និងបានវាយឆ្មក់ជាទៀងទាត់ ដែលនាំអោយមានការប៉ះទង្គិចគ្នាជាច្រើនផងដែរ៕