និស្សិតជាច្រើននាក់មកពីកម្មវិធីអប់រំពន្ធនាគាររបស់សាកលវិទ្យាល័យ Northwestern University ពោរពេញដោយមោទនភាពខណៈពួកគេត្រូវបានរៀបចំឲ្យចូលក្នុងសាលប្រជុំមួយក្នុងក្រុងក្រេស ហ៊ីល (Crest Hill) រដ្ឋអ៊ីលីណយ(Illinois) សំម្រាប់ការចាប់ផ្ដើមពិធីរបស់ពួកគេ។

បុរស១៦នាក់ គឺស្ថិតនៅក្នុងថ្នាក់ដំបូងគេនៃនិស្សិតដែលជាប់ពន្ធនាគារដែលត្រូវទទួលសញ្ញាប័ត្រថ្នាក់បរិញ្ញាបត្រ ពីសាកលវិទ្យាល័យកំពូលទាំង១០។

វាជាឱកាសរំភើបរីករាយសម្រាប់និស្សិតបញ្ចប់ការសិក្សា និងកម្មវិធីមហាវិទ្យាល័យដូចគ្នា។និស្សិតខ្លះ ជូតទឹកភ្នែក ខណៈពួគេបានឃើញការទទួលសញ្ញាប័ត្របន្ទាប់ពីបានបញ្ចប់ការសិក្សារបស់ពួកគេមក។

នៅក្នុងចំណោមនោះមានឈ្មោះ ម៉ៃឃើល ប្រូតវេ (Michael Broadway)បាននិយាយនៅឯពិធីថា អ្នកម្ដាយ នេះគឺជាការសុំទោសរបស់កូនដោយបើកចំហចំពោះអ្នកម្ដាយ និងគ្រួសាររបស់កូន សម្រាប់គ្រប់ពេលវេលា ដែលនគរបាលតែងតែមកដល់មាត់ទ្វារ ហើយគ្រប់ពេលវេលាដែលមាននណាម្នាក់បានបាញ់ចូលក្នុងផ្ទះ។ អោយកូនសុំទោស ។កូនដឹងថាអ្នកទាំងអស់គ្នាធ្លាប់តែចង់បានអ្វីមួយពីកូន គឺត្រូវធ្វើខ្លួនឲ្យល្អ។ដូច្នេះ កូនសុំសួរអ្នកម្តាយថា តើកូនត្រូវធ្វើយ៉ាងម៉េចទៀត?

ប្រូតវេ ត្រូវបានជាប់ពន្ធនាគាររយៈពេលជិត២០ឆ្នាំ នៅឯមណ្ឌលកែប្រែ ស្ដាតេវីល(Stateville) ក្នុងក្រុងក្រេសហ៊ីល (Crest Hill)។ស្ថិតក្នុងវ័យ៥១ឆ្នាំ ដែលបានជម្នះនឹងដំណើរថយក្រោយជាច្រើន ដើម្បីឲ្យទទួលបានសញ្ញាប័ត្ររបស់លោក ក្នុងនោះរួមមាន ត្រូវតស៊ូជាមួយដំណាក់កាលជំងឺមហារីកក្រពេញប្រូស្ដាតទាំង៤ផងដែរ។ ម្ដាយម៉ៃឃើល អ្នកស្រីអេលីហ្សាបេត មិនអាចមកសួរសុខទុក្ខកូនប្រុសរបស់អ្នកស្រីបានទេដោយសារតែមានជម្ងឺ។នេះជាលើកដំបូងហើយដែលអ្នកស្រីបានឃើញមុខកូនរបស់អ្នកស្រីក្នុងរយៈពេលជិត២០ឆ្នាំកន្លងទៅនេះ។

អ្នកស្រីបាននិយាយថា អ្នកស្រីមានអារម្មណ៍តក់ស្លុតបន្ដិចបន្ដួច ។ អ្នកស្រីមិននឹកស្មានថា កូនអ្នកស្រីបានបញ្ចប់ការសិក្សាបែបនេះសោះ ។ ប៉ុន្ដែអ្វីដែលកូនអ្នស្រីធ្វើបានសម្រេចនេះ បានធ្វើឲ្យអ្នកស្រីមានមោទនភាពយ៉ាងខ្លាំង ហើយពិតជាធ្វើអោយអ្នកស្រីរីករាយឥតឧបមា ដោយសារតែអ្នកស្រីបានឃើញកូនប្រុស ស្ថិតក្នុងសម្លៀកកបំពាក់វែង និងពាក់មួកដ៏ស្រស់ស្អាតនេះ។

ប្រូតវេ ត្រូវបានគ្រោងដោះលែងនៅក្នុងឆ្នាំ២០៨៤។

ប្រសិនបើរូបគេអាចត្រូវបានដោះលែងមុនការកំណត់ រូបគេមានផែនការចាប់ផ្ដើមកម្មវិធីមិនយកកំរ៉ៃដែលផ្ដោតទៅលើការផ្ដល់អំណាចដល់យុវជន។

តាំងពីឆ្នាំ២០១៨ សាកលវិទ្យាល័យ Northwestern បានចាប់ដៃគូជាមួយមហាវិទ្យាល័យ Oakton( អូកតុន)និងនាយកដ្ឋានកែប្រែដើម្បីផ្ដល់មុខវិជ្ជាដែលមានឥណទាន ដើម្បីជួយដល់និស្សិតដែលជាប់ពន្ធនាគារ៕