នគរបាលអ៊ីស្រាអែល បាននិយាយថា អ្នកវាយប្រហារប៉ាឡេស្ទីនបីនាក់ បានបើកការបាញ់ប្រហារនៅឯប៉ុស្តិ៍ត្រួតពិនិត្យមួយ នៅលើផ្លូវរវាងក្រុងហ្ស៊េរុយសាឡិម និងទីក្រុង Bethlehemនៃតំបន់វេសបែងកាលពីថ្ងៃព្រហស្បតិ៍ ដោយបានសម្លាប់ទាហានអ៊ីស្រាអែលម្នាក់ និងធ្វើឲ្យអ្នកផ្សេងទៀតរងរបួស មុនពេលអ្នកវាយប្រហារ ត្រូវបានបាញ់សម្លាប់។

ក្រុមសកម្មប្រយុទ្ធឥស្លាមហាម៉ាស បានអះអាងទទួលខុសត្រូវចំពោះការវាយប្រហារនេះ។

ប្រធាននគរបាល លោក Yaakov Shabtai បាននិយាយថា ខ្មាន់កាំភ្លើងទាំងនោះ បានគ្រោងធ្វើការវាយប្រហារធំជាងនេះ។ លោក Shabtai បានប្រាប់អ្នកយកព័ត៌មាននៅកន្លែងកើតហេតុ ហើយបានបើកការបាញ់ប្រហារ នៅពេលដែលកងកម្លាំងអ៊ីស្រាអែលនៅទីនោះ បានចាប់ផ្តើមសាកសួរពួកគេ។ លោកបាននិយាយថា ពួកគេត្រូវបានសម្លាប់ នៅពេលកងកម្លាំងអ៊ីស្រាអែល បានបាញ់តវិញ។

ក្រោយការបាញ់ប្រហារនេះ នគរបាល បាននិយាយថា ពួកគេបានរកឃើញកាំភ្លើងស្វ័យប្រវត្តិ២ដើម កាំភ្លើងខ្លី ២ដើម គ្រាប់រាប់រំសេវរាប់រយគ្រាប់ បង់កាំភ្លើងច្រកគ្រាប់ពេញចំនួន១០ និងពូថៅចំនួន២ នៅជាប់ខ្លួនជនសង្ស័យ និងនៅក្នុងរថយន្តរបស់ពួកគេ។ពុំមានការអត្ថាធិប្បាយភ្លាមៗពីមន្ត្រីប៉ាឡេស្ទីនទេ។