អតីតរដ្ឋមន្ត្រីការពារជាតិលោក Mark Esper បាននិយាយថា ដើម្បីកម្ចាត់ក្រុមសកម្មប្រយុទ្ធប៉ាឡេស្ទីន ហាម៉ាឲ្យបានពេញលេញ យើងត្រូវប្រឈមមុខនឹងប្រទេសអ៊ីរ៉ង់រហូតដល់ទីបញ្ចប់។

លោក Esper បានថ្លែងនៅក្នុងបទសម្ភាសន៍ជាមួយសារព័ត៌មាន CBS កាលពីថ្ងៃព្រហស្បតិ៍ថា៖« ដើម្បីកម្ចាត់ក្រុមហាម៉ាសក្នុងកម្រិតដែលយើងយល់ពីក្រុមនេះ[នៅក្នុង] លក្ខខណ្ឌយោធា អ្នកត្រូវតែរារាំងសមត្ថភាពរបស់ពួកគេ ក្នុងការបង្កើតកងកម្លាំងយោធារបស់ពួកគេឡើងវិញ។

លោកបានបន្តថា៖ «ដើម្បីធ្វើបាន នោះមានន័យថា អ្នកត្រូវតែដោះស្រាយជាមួយអ៊ីរ៉ង់ម្តងហើយម្តង       ទៀត។ «អ្នកត្រូវកាត់ផ្តាច់ការផ្គត់ផ្គង់អាវុធ និងលុយ និងជំនួយផ្សេងៗទៀត ហើយនោះជាបញ្ហាធំដែលយើងមិនបានប្រឈមមុខ»។

នៅដើមខែមុន ទីប្រឹក្សាសន្តិសុខជាតិរងរបស់សហរដ្ឋអាមេរិក លោក Jonathan Finer បាននិយាយថា ប្រទេសអ៊ីរ៉ង់«មានការពាក់ព័ន្ធយ៉ាងទូលំទូលាយ» នៅក្នុងការវាយប្រហាររបស់ក្រុមហាម៉ាស ដែលបានចាប់ផ្តើមសង្រ្គាមបច្ចុប្បន្នរបស់ខ្លួនជាមួយអ៊ីស្រាអែល។ លោកបានកត់សម្គាល់ពីកិច្ចខិតខំប្រឹងប្រែងរបស់       គូប្រជែងរបស់សហរដ្ឋអាមេរិក ក្នុងការបណ្តុះបណ្តាល និងផ្តល់អាវុធដល់ក្រុមហាម៉ាស។