អុីស្រាអែល ៖ វីដេអូមួយដែលផ្សព្វផ្សាយដោយក្រុមប្រដាប់អាវុធហេសបូឡាលីបង់ បាននិយាយពីការបង្ហាញទីតាំងយោធាតូចៗជាច្រើនរបស់អ៊ីស្រាអែលនៅតាមព្រំដែនជាប់ជាមួយប្រទេសលីបង់ បានទទួលរងការវាយប្រហារកាលពីថ្ងៃសៅរ៍កន្លងទៅនេះ។

អ្នកយកព័ត៌មានរ៉យទ័រ អាចផ្ទៀងផ្ទាត់ដោយឯករាជ្យនូវទីតាំងនានានៅជិតតំបន់យីហ្វតាស (Yiftah) និងជិតតំបន់ស្លូមី (Shlomi) នៅក្នុងវីដេអូដែលរំលេចពីលំនៅឋាននិងប៉មជាច្រើន ដែលស្ថិតនៅចំណុចម្ខាងនៃផ្លូវថ្នល់។

អ្នយកព័ត៌មានរ៉យទ័រ មិនអាចផ្ទៀងផ្ទាត់ដោយឯករាជ្យនូវទីតាំងក្នុងវីដេអូវគ្គពីរ ឬពេលវេលាដែលគេថតនោះបានទេ។

ការផ្សព្វផ្សាយវីដេអូនេះ បានធ្វើឡើង ខណៈការបាញ់ផ្លោងឆ្លងកាត់ព្រំដែនលីបង់ជាមួយអ៊ីស្រាអែល បានកើនខ្លាំងឡើងៗដោយក្រុមហ្រុមហេសបូឡា និយាយថា ខ្លួនបានបាញ់មីស៊ីលដាក់ទីតាំង៨កន្លែងឆ្លងព្រំដែន ហើយអ៊ីស្រាអែលនិយាយថា ខ្លួនបានសងសឹកវិញដោយបាញ់កាំភ្លើងធំ។

ប្រភពសន្ដិសុខលីបង់មួយបាននិយាយថា ការទម្លាក់គ្រាប់បែករបស់អ៊ីស្រាអែល ក្នុងនោះរួមមានការវាយប្រហារដោយយានដ្រូន បានត្រូវចំយ៉ាងហោចនាស់១២ភូមិដែលស្ថិតនៅតាមព្រំដែនលីបង់ភាគ

ខាងត្បូង។

យោធាអ៊ីស្រាអែល បាននិយាយនៅក្នុងសេចក្ដីថ្លែងការមួយថា ខ្លួនបានវាយប្រហារចំពន្ធនាគារមួយក្នុងពន្ធនាគារក្នុងប្រទេសលីបង់ ជាកន្លែងដែលបានព្យាយាមបាញ់មីស៊ីលប្រឆាំងរថក្រោះសំដៅអ៊ីស្រាអែល ហើយនិងបានបាញ់កាំភ្លើងធំទៅលើគោលដៅជាច្រើនទៀត៕