មីយ៉ាន់ម៉ា ៖ ជនភៀសខ្លួនមីយ៉ាន់ម៉ា បានរៀបរាប់ពីរឿងរ៉ាវដ៏រន្ធត់របស់ពួកគេពីការរត់ភៀសខ្លួនចេញពីវិបត្ដិនៅស្រុកកំណើត ដែលហែកហួដោយសង្រ្គាមទៅកាន់រដ្ឋមីហ្សូរ៉ាំ (Mizoram) ភាគឦសានប្រទេសឥណ្ឌា។

មនុស្សរាប់ម៉ឺននាក់ បានបាត់បង់ទីជម្រកនៅទូទាំងសហមីយ៉ាន់ម៉ា ខណៈរដ្ឋាភិបាលយោធា ដែលបានឡើងកាន់អំណាចក្នុងរដ្ឋប្រហារឆ្នាំ២០២១នោះ បានប្រយុទ្ធនឹងការវាយលុកដែលមានគ្រោងការទុករបស់បក្សសម្ព័នមួយ ដែលមានក្រុមជនជាតិភាគតិច៣ក្រុម និងក្រុមអ្នកប្រយុគាំទ្រលទ្ធិប្រជាធិបតេយ្យ។

ជនភៀសខ្លួនម្នាក់ឈ្មោះ វុងលីហ្ស៊ីង (Vungliazing) បាននិយាយថា ផ្ទះរបស់ខ្លួនត្រូវភ្លើងឆេះបំផ្លាញទាំស្រុង និងបានខូចខាតទាំងស្រុង ហើយលោកកំពុងរង់ចាំឱកាសត្រឡប់ទៅផ្ទះវិញ។

ជនភៀសខ្លួនម្នាក់ទៀតអាយុ២២ឆ្នាំឈ្មោះ ឡាល់រីហ្វេឡា (Lalriatfela) បាននិយាយថា មនុស្សជាច្រើន មានការភ័យខ្លាចនៅពេលដែលគ្រាប់បានចាប់ផ្ដើមធ្លាក់ភ្លាមៗ ហើយបានចាប់ផ្ដើមរត់ចូលក្នុងទន្លេដែលនៅជិតដើម្បីគេចពីការស្លាប់។

យោងតាមអង្គការសហប្រជាជាតិ បានឲ្យដឹងថា តំបន់អាស៊ីអាគ្នេយ៍ ក្នុងនោះមានសហភាពមីយ៉ាន់មួយដែរ បានក្លាយជាតំបន់មួយសម្រាប់ការបោកបញ្ឆោតបន្លំតាមទូរគមនាគមន៍ និងប្រព័ន្ធអនឡាញផ្សេងទៀត ដែលក្នុងនោះ មនុស្សរាប់ម៉ឺននាក់ត្រូវបានជួញដូរដោយក្រុមឧក្រិដ្ឋជន និងបង្ខំអោយធ្វើការនៅក្នុងគម្រោងឆបោក និងប្រតិបត្ដិការតាមអនឡាញខុសច្បាប់ផ្សេងទៀត។