អុីស្រាអែល ៖ តាមវីដេអូដែលថតតាមយានដ្រូនបានបង្ហាញមនុស្សរាប់ពាន់នាក់ កំពុងធ្វើដំណើរនៅតាមផ្លូវហៃវ៉េ ឆ្ពោះទៅក្រុងហ្សេរុយសាឡឹម (Jerusalem) កាលពីថ្ងៃសៅរ៍ ដោយអំពាវនាវឲ្យរដ្ឋាភិបាល

អ៊ីសា្រអែល ធ្វើការឲ្យកាន់តែសកម្មថែមទៀតដើម្បីជួយធានាឲ្យមានការដោះលែងមនុស្សប្រមាណជា ២៤០នាក់ ដែលត្រូវបានចាប់ជាចំណាប់ថ្នូរដោយក្រុមសកម្មប្រយុទ្ធហាម៉ាស តាំងពីការវាយប្រហារលើ ប្រទេសអ៊ីស្រាអែលថ្ងៃទី៧តុលាមក។

សាច់ញាតិ និងអ្នកគាំទ្រចំណាប់ថ្នូរជាច្រើននាក់ បានធ្វើដំណើរចេញពីក្រុងតែលអាវីវ (Tel Aviv) ឆ្ពោះទៅក្រុង ហ្សេរុយយសាឡឹម (Jerusalem) និងបានបោះជំរំនៅពេលយប់នៅខាងក្រៅក្រុងហ្សេរុយសាឡឹម មុនថ្ងៃទី៥ និងជាថ្ងៃចុងក្រោយនៃការធ្វើដំណើររបស់ពួកគេ ឆ្ពោះទៅកាន់ការិយាល័យរបស់នាយករដ្ឋមន្រ្ដីអ៊ីស្រាអែល បេនចាមីន ណេតាន់យ៉ាហ៊ូ កាលពីថ្ងៃសៅរ៍។

ក្រុមបាតុករដែលកំពុងកាន់រូបថតចំណាប់ថ្នូរ និងរូបថតសាច់ញាតិ ដែលបាត់ខ្លួន និងគ្រវីទង់ជាតិអ៊ីស្រាអែល បានស្រែកពាក្យថា ពួកយើងនឹងមិនបោះបង់ការទាមទារឲ្យមានការដោះលែងចំណាប់ថ្នូរមកវិញជាដាច់ខាត។

អ្នកស្រីអង់ដ្រេយ៉ានា អាទ្រី បាននិយាយអំពីម្ដាយក្មេកវ័យចំណាស់របស់អ្នកស្រី ដែលត្រូវបានចាប់ជាមួយប្តីរបស់អាយុ៦៣ឆ្នាំរបស់អ្នកស្រីអាទ្រីថា យើងមិនមានពេលវេលាគ្រប់គ្រាន់ទេ និងមិនមានពេលទៀតទេ ដោយយើង មិនបានដឹងថា តើគាត់នៅរស់នោះឬយ៉ាងណាទេ។

ម្ដាយក្មេករបស់អ្នកស្រីអាយុ៨៥ឆ្នាំឈ្មោះយ៉ាហ្វា អាដា (Yafa Ada) ត្រូវបានគេឃើញនៅក្នុងវីដេអូមួយដែលបង្ហាញមុខរបស់ជនជាតិអ៊ីស្រាអែល ត្រូវបានគេចាប់យកទៅក្នុងតំបន់ហ្កាហ្សា។ពោលគឺ អ្នកស្រីបានជម្នះ ដែលបង្ហាញនូវការមិនភ័យខ្លាច ខណៈគេដឹកតាមរថយន្ដ យកទៅក្នុងតំបន់ហ៊ុមព័ទ្ធរបស់ប៉ាឡេស្ទីននោះ៕