ក្រុមអ្នកតវ៉ា ក្នុងក្រុងម៉ាឌ្រីតប្រឆាំងនឹងច្បាប់លើកលែងទោសដែលក្រុមសង្គមនិយមរបស់អេស្ប៉ាញ បានយល់ព្រមទៅលើក្រុមផ្ដាច់ទឹកដីរដ្ឋកាតាឡូនីក្នុងឆ្នាំ២០១៧នៅក្នុងកិច្ចប្រឹងប្រែងដើម្បីបង្កើតរដ្ឋាភិបាលមួយនោះ បានប៉ះទង្គិចជាមួយ​នគរបាលបង្រ្កាបកុបកម្ម កាលពីយប់ថ្ងៃសៅរ៍។

បាតុកម្មនេះ ជាការតវ៉ាចុងក្រោយបង្អស់ក្នុងការតវ៉ាជាបន្តបន្ទាប់នៅក្នុងទីក្រុងនានា នៅទូទាំងប្រទេស ដើម្បីប្រឆាំងនឹងការលើកលែងទោស ពោលគឺបានកើតឡើងពីរថ្ងៃបន្ទាប់ពីនាយករដ្ឋមន្រ្ដីអេស្ប៉ាញមកពីគណបក្សសង្គមនិយមគឺលោកផេដ្រូ សាន់ឆេស បានឈ្នះការបោះឆ្នោតមួយអណត្ដិទៀតដែលមានរយៈពេល៤ឆ្នាំ ដោយមានការគាំទ្រពីគណបក្សជាតិនិយមកាតាឡូនី (Catalan) និងគណបក្សជាតិនិយមតំបន់បាស់ (Basque) ដើម្បីជាថ្នូរនឹងការយល់ព្រមលើច្បាប់លើកលែងទោស។

លោកសានឆេស បានការពារច្បាប់នេះ ដោយនិយាយថា ការលើកលែងទោសនឹងជួយកាត់បន្ថយភាពតានតឹងនៅក្នុងរដ្ឋកាតាឡូនី។