ឥណ្ឌា ៖ ផ្សែងអ័ព្ទបានបន្តគ្របដណ្ដប់លើតំបន់មួយចំនួនក្នុងទីក្រុងញូវដេលី(New Delhi)ប្រទេសឥណ្ឌា កាលពីថ្ងៃអាទិត្យ ១២ វិច្ឆិកា ដោយគុណភាពខ្យល់ ត្រូវបានកត់ត្រាថាជា ស្ថានភាពធ្ងន់ធ្ងរ ។

ក្រុមអ្នកជំនាញបានព្រមានពីថ្ងៃដ៏អាក្រក់នៅរយៈពេលប៉ុន្មានថ្ងៃខាងមុខ ខណៈការព្យាករណ៍ព្រមានអំពីប្រភេទខ្យល់ អាប់អួរខ្លាំង នៅក្នុងរដ្ឋធានីរបស់ប្រទេសឥណ្ឌា។  

ទីភ្នាក់ងារត្រួតពិនិត្យគុណភាពខ្យល់ និងព្យាករណ៍អាកាសធាតុហៅកាត់ថាSAFAR បានកត់ត្រាគុណភាពខ្យល់ថាជា កម្រិតធ្ងន់ធ្ងរ នៅថ្ងៃអាទិត្យនេះ ក្នុងកម្រិតភាគល្អិតតូចបំផុត ដែលគេស្គាល់ថា PM-១០ នៅកម្រិត២០៩ និង PM ២,៥ នៅ កម្រិត ១១២។

គុណភាពខ្យល់នៅទីក្រុង Delhi យោងទៅតាម SAFAR គឺ ស្ថិតក្នុងកម្រិត ២៨៣ ខណៈ ដែលលើសពី៦០ ត្រូវបានចាត់ទុកថាប៉ះពាល់ដល់សុខភាព។ 

គុណភាពខ្យល់នៅតំបន់វាលទំនាបភាគខាងជើងនៃប្រទេសឥណ្ឌាកាន់តែអាក្រក់រាល់រដូវរងា នៅពេលដែលខ្យល់ត្រជាក់បានបញ្ចេញសារធាតុនានាពីប្រភពជាច្រើន រួមមានយានយន្ត ឧស្សាហកម្ម ធូលីបំភាពចេញពីសកម្មភាពសំណង់ និងការដុតកាកសំណល់កសិកម្ម ជាដើម ៕