ទីភ្នាក់ងារអង្គការសហប្រជាជាតិ បាននិយាយកាលពីថ្ងៃសៅរ៍ថា ជនជាតិប៉ាឡេស្ទីនជាង ២០០ នាក់ ត្រូវបានសម្លាប់នៅតំបន់វេសបែង ចាប់តាំងពីថ្ងៃទី៧ ខែតុលា ដោយបង្កើនការព្រួយបារម្ភអំពីយុទ្ធនាការយោធារបស់អ៊ីស្រាអែល។

កងកម្លាំងការពារអ៊ីស្រាអែល បានកំណត់កិច្ចប្រតិបត្តិការរបស់ខ្លួន ចាប់តាំងពីការវាយប្រហាររបស់ក្រុមហាម៉ាសថា ជាយុទ្ធនាការប្រឆាំងនឹងកងជីវពលប៉ាឡេស្ទីន ដែលខ្លួនចាត់ទុកថា ជាអង្គការភេរវកម្ម។ ទោះជាយ៉ាងណាក៏ដោយ ក្រុមហាម៉ាស បានបើកកិច្ចប្រតិបត្តិការពីដំបូងចេញពីតំបន់ហ្កាហ្សា មិនមែនតំបន់វេសបែងនោះទេ ដោយទាក់ទាញការចាប់អារម្មណ៍លើបណ្តាញអ៊ីនធឺណិតចំពោះវិសាលភាពនៃការឆ្លើយតបរបស់អ៊ីស្រាអែល។

ការិយាល័យUN សម្រាប់ការសម្របសម្រួលកិច្ចការមនុស្សធម៌ បាននិយាយនៅក្នុងសេចក្តីថ្លែងការណ៍មួយថា ជនជាតិប៉ាឡេស្ទីន ១៩៨នាក់ រួមទាំងកុមារ ៥២នាក់ ត្រូវបានសម្លាប់ដោយកងកម្លាំងអ៊ីស្រាអែលនៅតំបន់វេបែង ខណៈដែល ៨នាក់ផ្សេងទៀតរួមទាំងកុមារម្នាក់ ត្រូវបានសម្លាប់ដោយអ្នកតាំងលំនៅ អ៊ីស្រាអែលខុសច្បាប់។

ទីភ្នាក់ងារនេះ បាននិយាយថា ប្រហែល ៦៦ភាគរយនៃអ្នកទាំងនោះ ត្រូវបានសម្លាប់នៅក្នុងប្រតិបត្តិការស្វែងរក និងចាប់ខ្លួនរបស់អ៊ីស្រាអែល ពីដំបូងនៅក្នុងអភិបាលខេត្ត Jenin និង Tulkarm ។ ចំណែក ២៤ភាគរយផ្សេងទៀត ត្រូវបានសម្លាប់នៅក្នុងការតវ៉ាដែលគាំទ្រតំបន់ហ្កាហ្សា ខណៈដែល ៧ភាគរយ ត្រូវបានសម្លាប់ដោយចោទប្រកាន់ថា បានវាយប្រហារកងកម្លាំងអ៊ីស្រាអែល និងអ្នកតាំងលំនៅខុសច្បាប់។