កញ្ញា Sheynnis Palacios របស់ប្រទេសនីការ៉ាហ្គ័រ បានគ្រងមកុដបវរកញ្ញាចក្រវាឡឆ្នាំ២០២៣ នៅឯការបញ្ចប់នៃកម្មវិធីប្រកួតសម្រស់ប្រចាំឆ្នាំ ដែលបានធ្វើឡើង កាលពីយប់ថ្ងៃសៅរ៍ចុងសប្ដាហ៍កន្លងមក ក្នុងរដ្ឋធានីសាន់សាល់វ៉ាឌ័រនៃប្រទេសអែលសាល់វ៉ាឌ័រ ខណៈកញ្ញា Anntonia Porsild របស់ប្រទេសថៃ ជាប់ចំណាត់ថ្នាក់រងជើងឯកទី១។

ជ័យជម្នះរបស់កញ្ញា Palacios គឺជាលើកទី១ មិនធ្លាប់មាន ដែលស្ត្រីរបស់ប្រទេសនីការ៉ាហ្គ័រ បានឈ្នះបវរកញ្ញាចក្រវាល។ នាងធ្លាប់តំណាងឲ្យនីការ៉ាហ្គ័រ ក្នុងការប្រលងបវរកញ្ញាចក្រវាឡ ក្នុងឆ្នាំ២០១៧ ដោយបានឆ្លងចូលដល់វគ្គ ១០នាក់ចុងក្រោយ និងនៅក្នុងកម្មវិធីប្រកួតបវរកញ្ញាពិភពលោកឆ្នាំ២០២១។

ប្រធានបទសំណួរ-ចម្លើយចំនួនពីរជុំ នៅសល់បេក្ខនារី ៣រូបរូបចុងក្រោយ គឺកញ្ញា Palacios កញ្ញា Porsild និងជើងឯករងទី២ កញ្ញា Moraya Wilson មកពីប្រទេសអូស្ត្រាលី។ នៅត្រូវបានសួរនៅជុំចុងក្រោយថា តើរូបនាងនឹងជ្រើសរើសអ្នកណាក្នុងការចំណាយជីវិតមួយថ្ងៃឃាមួយ កញ្ញា Palacios បានជ្រើសរើសទស្សនវិទូ និងស្ត្រីនិយមរបស់ជនជាតិអង់គ្លេសនៅសតវត្សទី១៨ គឺលោកស្រី Mary Wollstonecraft ដែលនាងបាននិយាយថា បានទម្លាយដែនកំណត់ ហើយ «បានផ្តល់ឱកាសដល់ស្ត្រីជាច្រើន»។ កញ្ញាឯកថ្មីរូបនេះ បានបន្ថែមតាមរយៈអ្នកបកប្រែថា៖ «គ្មានព្រំដែនកំណត់នោះទេ សម្រាប់ស្ត្រីសព្វថ្ងៃនេះ»។

កញ្ញា Palacios ទទួលបានជ័យលាភីបន្តពីបវរកញ្ញាចក្រវាលឆ្នាំ២០២២ គឺកញ្ញាឯក R'Bonney Gabriel របស់សហរដ្ឋអាមេរិក៕