ប្រទេសឥណ្ឌា និងអូស្ត្រាលី គ្រោងនឹងធ្វើកិច្ចពិភាក្សាផ្តោតលើការពង្រឹងទំនាក់ទំនងយុទ្ធសាស្ត្រ ការពារជាតិ និងសន្តិសុខរបស់ពួកគេក្នុងទីក្រុងញូវដែលី នៅថ្ងៃចន្ទនេះ ។

រដ្ឋមន្ត្រីការបរទេសអូស្ត្រាលី លោក ស្រី Penny Wong និងរដ្ឋមន្ត្រីការពារជាតិ Richard Marles បានមកដល់ដើម្បីជួបជាមួយសមភាគីរបស់ពួកគេសម្រាប់កិច្ចសន្ទនាឥណ្ឌា-អូស្ត្រាលី 2+2 លើកទីពីរ ដែលជាកន្លែងដែលពួកគេ ត្រូវបានគេរំពឹងថា នឹងពិភាក្សាអំពីបញ្ហាក្នុងតំបន់ និងពិភពលោក នេះបើយោងតាមសេចក្តីថ្លែងការណ៍ពីក្រសួងកិច្ចការបរទេសរបស់ប្រទេសឥណ្ឌា។

សេចក្តីថ្លែងការណ៍នោះ បាននិយាយថា៖«ភាគីទាំងពីរ ក៏នឹងផ្លាស់ប្តូរទស្សនៈស្តីពីអាទិភាពរួមគ្នាសម្រាប់ការពង្រឹងកិច្ចសហប្រតិបត្តិការតិចភាគី និងពហុភាគី»។

រដ្ឋមន្ត្រីការពារជាតិឥណ្ឌា លោក Rajnath Singh នឹងជួបពិភាក្សាទ្វេភាគីជាមួយលោក Marles ដែលជាឧបនាយករដ្ឋមន្ត្រីផងដែរ។ សេចក្តីថ្លែងការណ៍នោះ បានឲ្យដឹងទៀតថា រដ្ឋមន្ត្រីការបរទេសឥណ្ឌា លោក Subhramanyam Jaishankar នឹងធ្វើការទំនាក់ទំនងរវាងប្រទេសទាំងពីរជាមួយសមភាគីរបស់លោកស្រី Wong នៅថ្ងៃអង្គារ។