អុីស្រាអែល ៖ កងទ័ពអ៊ីស្រាអែលនៅថ្ងៃច័ន្ទនេះ បានផ្សព្វផ្សាយវីដេអូមួយ ដែលមានរូបវីដេអូពីលើអាកាសបង្ហាញនូវអ្វីដែលគេនិយាយថាជាការវាយប្រហារតាមអាកាស ដែលដឹកនាំដោយកងទ័ពប្រតិបត្ដិការលើដី ដែលបានសម្លាប់មេបញ្ជការ៣នាក់។

សេចក្ដីថ្លែងការរបស់កងទ័ពអ៊ីស្រាអែលបាននិយាយថា គោលដៅនានាដែលបានវាយប្រហារក្នុងវីដេអូនេះ គឺហេដ្ឋារចនាសម្ព័ន និងឃ្លាំងស្ដុកអាវុធរបស់ក្រុមហាម៉ាសនៅក្នុងតំបន់នោះ ជាបន្ថែមលើសមាជិករបស់ក្រុមហាម៉ាស។

អ្នកយមព័ត៌មានរ៉យទ័រ មិនអាចផ្ទៀងផ្ទាត់បានដោយឯករាជ្យទេនូវទីតាំងឬកាលបរិច្ឆេទថាតើវីដេអូនេះគេថតនៅពេលណានោះទេ

ការប្រយុទ្ធគ្នាយ៉ាងដ៏ខ្លាំងក្លានៅតែបន្ដរវាងអ៊ីស្រាអែល និងក្រុមហាម៉ាសក្នុងតំបន់ហ្កាហ្សាស្រ្ទីប ខណៈកិច្ចព្រមព្រៀងចំណាប់ថ្នូរជិតសម្រេចបាន។

គ្រាប់រ៉ូកែតបានហោះចេញពីតំបន់ហ្កាហ្សាខណៈកាំភ្លើងធំ និងការវាយប្រហារតាមអាកាសរបស់

អ៊ីស្រាអែល នៅតែបន្ដផ្លោងដាក់ហ្កាហ្សា។

មនុស្សប្រមាណជា២៤០នាក់ ត្រូវបានចាប់ជាចំណាបថ្នូរ នៅក្នុងអំឡុងពេលវាយប្រហារដ៏បង្ហូរឈាមមួយរបស់ក្រុមសកម្មប្រយុទ្ធហាម៉ាឆ្លងចូលទៅក្នុងប្រទេសអ៊ីស្រាអែល កាលពីថ្ងៃទី៧តុលា ហើយក្រុមមន្រ្ដីអ៊ីស្រាអែល បាននិយាយថា កិច្ចព្រមព្រៀងមួយដើម្បីអោយដោះលែងចំណាប់ខ្មាំងមួយចំនួន ដែលកំពុងជាប់ឃុំក្នុងតំបន់ហ៊ុមព័ទ្ធប៉ាឡេស្ទីននោះ កំពុងឈានទៅរកទីបញ្ចប់ហើយ៕