ប្រទេសជប៉ុន កាលពីថ្ងៃចន្ទ (ទី២០ ខែវិច្ឆិកា) បានផ្ដល់ជំនួយរថយន្តដឹកទំនិញ និងឧបករណ៍ដោះមីនដល់សេវាសង្គ្រោះបន្ទាន់របស់រដ្ឋអ៊ុយក្រែន។

រថយន្តដឹកទំនិញចំនួន ៤០គ្រឿង និងឧបករណ៍ដោះមីនចំនួន៥០ ត្រូវបានដាក់តម្រៀបនៅទីលាន St. Sophia's នាកណ្តាលទីក្រុងគីវ នៅទល់មុខវិហារដ៏ស្រស់ស្អាតបំផុតមួយនៃរដ្ឋធានីគីវ សម្រាប់ធ្វើពិធីប្រគល់។

លោក Kazuchika Iwata រដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្ម (METI) និងរដ្ឋមន្ត្រីក្រសួងការបរទេស លោក Kiyoto Tsuji ត្រូវបានស្វាគមន៍ដោយរដ្ឋមន្ត្រីក្រសួងមហាផ្ទៃអ៊ុយក្រែន លោក Ihor Klymeko ហើយនៅពេលដែលមេដឹកនាំបានផ្លាស់ប្តូរដោយការចាប់ដៃគ្នា បុគ្គលិកសេវាសង្គ្រោះបន្ទាន់បានយករថយន្តទាំងនោះទៅបើកសាកល្បង។

METI បាននិយាយថា ដំណើរទស្សនកិច្ចនេះ អមជាមួយនឹងជំនួយនេះ គឺជាឱកាសមួយ ដើម្បីបានស្តាប់អំពីតម្រូវការរបស់អ៊ុយក្រែន និងដើម្បីពិភាក្សាអំពីគម្រោងជាក់លាក់ និងបង្កើនកិច្ចខិតខំប្រឹងប្រែងសាធារណៈ និងឯកជនដើម្បីជួយជាជំនួយ។

សូមបញ្ជាក់ថា ប្រទេសជប៉ុន ដែលបាននិងកំពុងគាំទ្រអ៊ុយក្រែនជាមួយនឹងមូលនិធិ និងដោយការទទួលយកជនភៀសខ្លួន គិតចាប់តាំងពីរុស្ស៊ីបានលុកលុយ កាលខែកុម្ភៈ ឆ្នាំ២០២២ ក៏បាននិងកំពុងបង្កើនការការគាំទ្រដល់អ៊ុយក្រែនក្នុងកម្រិតនៃក្រុមប្រទេសទាំង៧ ឬG7 ដែលជប៉ុនធ្វើជាប្រធាននៅឆ្នាំនេះ៕