កងទ័ពអាមេរិក កំពុងធ្វើតេស្តមីស៊ីលថ្មី និងមានអនុភាពខ្លាំង ដែលនៅទីបំផុត នឹងជំនួសប្រព័ន្ធមីស៊ីល តាកទិកកងទ័ព MGM-140 ឬ ATACMS ជាអាវុធដែលបានបង្ហាញខ្លួន ក្នុងសមរភូមិដំបូងរបស់ខ្លួនក្នុងប្រទេសអ៊ុយក្រែន កាលពីខែមុន ក្នុងការវាយប្រហារប្រកបដោយប្រសិទ្ធភាព ទៅលើកងនាវាចម្បាំងរបស់រុស្ស៊ី។

កម្មវិធីមីស៊ីលវាយប្រហារជាក់លាក់ (PrSM) បានដំណើរការអស់រយៈពេលពីរ-បីឆ្នាំហើយ មានបំណង   ផ្តល់អង្គភាពកាំភ្លើងធំជាមួយនឹងការគាំទ្ររយៈចម្ងាយឆ្ងាយ និងសមត្ថភាពវាយប្រហារបានខ្លាំង ក្នុងអំឡុងពេលនៃការបង្ហាញ កាលពីសប្តាហ៍មុន នៅឯ White Sands Missile Range ជាតំបន់សាកល្បងនិងបាញ់តេស្តមីស៊ីលរបស់កងទ័ពអាមេរិក នៅក្នុងរដ្ឋ New Mexico សហរដ្ឋអាមេរិក។

កងទ័ព បាននិយាយនៅក្នុងសេចក្តីថ្លែងការណ៍កាលពីថ្ងៃទី១៦ ខែវិច្ឆិកាថា ថ្មីៗនេះ ខ្លួន បានបាញ់មីស៊ីល វ៉ារ្យ៉ងថ្មី ដែលហៅថា Increment 1ពីប្រព័ន្ធរ៉ុក្កែតកាំភ្លើងធំ M142 (HIMARS) នៅក្នុងការសាកល្បងដែលបង្ហាញពីការបាញ់ត្រូវចំគោលដៅ ដោយជោគជ័យ។