នៅថ្ងៃអង្គារនេះ រថយន្តដឹកជញ្ជូនប្លុកអគារសម្រាប់មន្ទីរពេទ្យកណ្តាលវាលហ្សកដានី បានមកដល់ទីក្រុង Khan Younis តំបន់ហ្គាហ្សាស្រ្ទីប ស្របពេលដែលមន្ទីរពេទ្យនៅទូទាំងតំបន់ហ្គាហ្សាស្រ្ទីប បានបញ្ឈប់ប្រតិបត្តិការភាគច្រើនរបស់ពួកគេ ។

ក្រុមអ្នកស្ម័គ្រចិត្ត បានបង្កើតមន្ទីរពេទ្យកណ្តាលវាល ២កន្លែង ១កន្លែងសម្រាប់ព្យាយាមអ្នករងរបួស និង ១កន្លែងទៀតសម្រាប់ព្យាបាលទារកមិនគ្រប់ខែ ដោយមានឧបករណ៍កម្តៅទារកកើតមិនគ្រប់ខែចំនួន ៤០គ្រឿង ។

លោក Hani Hamada គឺជាគ្រូពេទ្យនៅផ្នែកវះកាត់របស់ក្រសួងសុខាភិបាលប៉ាឡេស្ទីន និយាយថា មន្ទីរពេទ្យកណ្តាលវាល ពិតជាសំខាន់ខ្លាំងណាស់សម្រាប់ពលរដ្ឋ ពេលដែលមន្ទីរពេទ្យ និងប្រព័ន្ធថែទាំសុខភាពនៅតំបន់ហ្គាហ្សា លែងដំណើរការ បុគ្គលិកសុខភាពហត់នឿយ និងអ្នកជំងឺស្ថិតក្នុងស្ថានភាពធ្ងន់ធ្ងរច្រើនណាស់ ។

រដ្ឋាភិបាលក្រុមគ្រងដោយក្រុមហាម៉ាស់នៅតំបន់ហ្គាហ្សា និយាយថា ជនប៉ាឡេស្ទីនយ៉ាងហោច ១៣.៣០០នាក់ ត្រូវបានប្រកាសថាបានស្លាប់ ក្នុងនោះរួមមានទាំងកុមារយ៉ាងហោច ៥.៦០០នាក់ ដោយសារការទម្លាក់គ្រាប់បែករបស់អ៊ីស្រាអែល បានធ្វើឲ្យតំបន់ភាគច្រើនជាពិសេសនៅពាក់កណ្តាលភាគខាងជើង រាបដល់ដី ។

ប្រហែល ២ភាគ៣នៃពលរដ្ឋ ២,៣លាននាក់នៅតំបន់ហ្គាហ្សា គ្មានផ្ទះសម្បែងរស់នៅ មនុស្សរាប់ពាន់នាក់ នៅបន្តធ្វើដំណើរដោយថ្មើរជើងជារៀងរាល់ថ្ងៃទៅកាន់តំបន់ភាគខាងត្បូង ជាមួយនឹងទ្រព្យសម្បត្តិ និងកូនៗរបស់ពួកគេនៅលើដៃ ៕