លោកវេជ្ជបណ្ឌិត Anas Iqtaitគឺជាសាស្ត្រាចារ្យផ្នែកសេដ្ឋកិច្ច និងសេដ្ឋកិច្ចនយោបាយប្រចាំតំបន់មជ្ឈិមបូព៌ានៅសាកលវិទ្យាជាតិអូស្រ្តាលី និយាយថា បទឈប់បាញ នឹងសំខាន់ខ្លាំងណាស់សម្រាប់ជំនួយមនុស្សធម៌ ពីព្រោះថាវានឹងអនុញ្ញាតឲ្យរថយន្តដឹកជំនួយមនុស្សធម៌យ៉ាងច្រើន និងក្បួនរថយន្តផ្សេងទៀត ចូលទៅក្នុងតំបន់ហ្គាហ្សាស្រ្ទីប ។

លោកថា បទឈប់បាញ់រយៈពេល ៤ថ្ងៃ គឺមិនគ្រប់គ្រាន់នោះទេ ។ តំបន់ហ្គាហ្សាស្រ្ទីប មានជនប៉ាឡេស្ទីន ២,៣លាននាក់រស់នៅ ហើយពួកគេត្រូវបានកាត់ផ្តាច់ទាំងស្រុងរាល់សម្ភារៈចាំបាច់ទាំងអស់ ចាប់ពីប្រេងឥន្ធនៈ រហូតដល់ទឹក និងចរន្តអគ្គិសនី សម្ភារៈមនុស្សធម៌ ហេតុដូច្នេះហើយរយៈពេល ៤ថ្ងៃ គឺវាមិនគ្រប់គ្រាន់ឡើយ ។ 

លោកបន្តថា ទោះបីជាយ៉ាងណាក៏ដោយ វាល្អប្រសើរជាងស្ថានភាពបច្ចុប្បន្ន ហើយវានឹងផ្តល់ជំនួយត្រូវការច្រើន ចូលទៅកាន់តំបន់ហ្គាហ្សា ។

លោក Iqtait និយាយថា លោកគិតថា ភាគីទាំង ២ត្រូវតែគិតគូឲ្យបានហ្មត់ចត់លើការប្តេជ្ញាចិត្តរបស់ពួកគេចំពោះបទឈប់បាញ់ ។ ការពិតនៅត្រង់ថា វាបានចំណាយពេល ៤៦ថ្ងៃ មុនពេលដែលបទឈប់បាញ់លើកដំបូង ត្រូវបានឈានដល់ ។ សហរដ្ឋអាមេរិក កាតា ក៏ដូចជាអេហ្ស៊ីប បានធ្វើការយ៉ាងសកម្មនៅពីក្រោយបទឈប់បាញ់នេះ ដើម្បីធានាជោគជ័យក្នុងបទឈប់បាញ់ ហើយលក្ខខណ្ឌបទឈប់បាញ់ ត្រូវបានលម្អិតយ៉ាងច្បាស់ ៕