រដ្ឋបាលលោក បៃដិន បាននិងកំពុងផ្តល់ឲ្យអ៊ីស្រាអែលនូវទីតាំងនៃក្រុមមនុស្សធម៌នៅក្នុងតំបន់ហ្កាហ្សា អស់រយៈពេលជាច្រើនសប្តាហ៍ ដើម្បីទប់ស្កាត់ការវាយប្រហារប្រឆាំងនឹងទីតាំងរបស់ពួកគេ។ ប៉ុន្តែអ៊ីស្រាអែល បានបន្តវាយលុកទីតាំងបែបនេះ។

មនុស្សបីនាក់ដែលដឹងច្បាស់ពីការទំនាក់ទំនងនេះ បាននិយាយថា ព័ត៌មាននេះរួមបញ្ចូលទាំងGPSដែលបង្ហាញពីពេទ្យមួយចំនួន និងព័ត៌មានអំពីចលនានៃក្រុមជំនួយនៅក្នុងតំបន់ហ្កាហ្សា ទៅកាន់រដ្ឋាភិបាលអ៊ីស្រាអែលយ៉ាងហោចណាស់មួយខែ។ ព័ត៌មានទាំងអស់ត្រូវបានផ្តល់ឲ្យនូវភាពអនាមិក ដោយសារតែពួកគេបារម្ភថា ការនិយាយជាសាធារណៈ នឹងធ្វើឲ្យក្រុមជំនួយមានការលំបាកកាន់តែខ្លាំង ក្នុងការប្រតិបត្តិការនៅតំបន់ហ្កាហ្សា។

ទោះបីជាយ៉ាងណាក៏ដោយ អ៊ីស្រាអែល បានបើកប្រតិបត្តិការប្រឆាំងនឹងក្រុមហាម៉ាស នៅក្នុង ឬនៅជិតកន្លែងផ្តល់ជំនួយ រួមទាំងមន្ទីរពេទ្យ ដែលនាំទៅដល់ការបំផ្លិចបំផ្លាញអគារ និងការបិទប្រេងឥន្ធនៈ និងការផ្គត់ផ្គង់សំខាន់ៗផ្សេងទៀត។

ពុំទាន់ច្បាស់ទេថាតើសហរដ្ឋអាមេរិក បានចងក្រងបញ្ជី «គ្មានការវាយប្រហារ» ជាផ្លូវការ ឬប្រសិនបើប្រទេសនេះ កំពុងផ្តល់ការណែនាំតែម្តងនោះ។ ប៉ុន្តែមន្ត្រីបានជួយសម្របសម្រួលដល់ក្រុមដែលផ្តល់អាហារ និងការថែទាំផ្នែកវេជ្ជសាស្រ្តនៅតំបន់ហ្កាហ្សា និងប្រតិបត្តិការចេញពីមន្ទីរពេទ្យ ការិយាល័យតូចៗ និង រស់នៅក្នុងផ្ទះសំណាក់។ ក្នុងចំណោមទីតាំងដែលផ្តល់ឲ្យរដ្ឋាភិបាលអ៊ីស្រាអែល មានកន្លែងព្យាបាលជំងឺ រួមមានមន្ទីរពេទ្យ Al-Shifa ជាផ្នែកដែលកងកម្លាំងអ៊ីស្រាអែល បានចូលកាន់កាប់នៅថ្ងៃទី១៥ ខែវិច្ឆិកា។