ក្រុមអាជ្ញាធរក្នុងស្រុក បានប្រកាសកាលពីថ្ងៃអង្គារថា ទីក្រុង Barcelona និងទីក្រុងជុំវិញរបស់ប្រទេសអេស្ប៉ាញ នឹងចូលជាផ្លូវការដល់ដំណាក់កាលមុនគ្រាអាសន្នដោយសារតែគ្រោះរាំងស្ងួតកំពុងកើតឡើង ដែលជាគ្រោះរាំងស្ងួតដ៏អាក្រក់បំផុតក្នុងរយៈពេល ១០០ឆ្នាំ ។ 

ស្របពេលជៀសវាងវិធានការសន្សំសំចៃទឹក រដ្ឋាភិបាលអេស្ប៉ាញ បានព្យាយាមលើកកម្ពស់ការយល់ដឹងនៅក្នុងចំណោមប្រជាពលរដ្ឋរបស់ខ្លួន ។ 

លោក David Mascort គឺជារដ្ឋមន្រ្តីទទួលបន្ទុកបម្រែបម្រួលអាកាសធាតុនៅតំបន់ Catalan បាននិយាយប្រាប់សន្និសីទសារព័ត៌មានថា វាចាំបាច់សម្រាប់ពួកយើងទាំងអស់គ្នាធ្វើការរួមគ្នា ដូចដែលពួកយើងធ្លាប់ធ្វើជាច្រើនលើកកាលពីមុន ដើម្បីសន្សំសំចៃទឹក ដើម្បីឲ្យពួកយើងអាចធ្វើឲ្យគ្រាអាសន្ននៅឆ្ងាយតាមដែលអាចធ្វើទៅបាន ។ 

ក្រុមឧតុនិយម ព្យាករណ៍ថា តំបន់ប៉ះពាល់នឹងមើលឃើញមានភ្លៀងធ្លាក់តិចតួច ហើយសីតុណ្ហភាពក្តៅជាច្រើនសប្តាហ៍នឹងមកដល់ ធ្វើឲ្យគ្រោះរាំងស្ងួតកាន់តែធ្ងន់ធ្ងរ ដែលគំរាមកំហែងដល់តំបន់មួយនេះ រយៈពេលច្រើនខែ ។ 

សូមបញ្ជាក់ថា អាងស្តុកទឹកនៅតាមតំបន់ប៉ះពាល់ បច្ចុប្បន្នមានទឹកពេញត្រឹមតែ ១៨,៥ភាគរយប៉ុណ្ណោះ ហើយនៅដំណាច់ខែធ្នូ ពេលដែលដែលគ្រាអាសន្នកើតឡើង វាទំនងជារងផលប៉ះពាល់ ខណៈដែលក្រុមអាជ្ញាធរព្យាករណ៍ថា អាងស្តុកទឹកពេញតែ ១៦ភាគរយប៉ុណ្ណោះ ៕