ក្រុមអ្នកពន្លត់អគ្កិភ័យ កំពុងទប់ទល់ចំហេះព្រៃច្រើនកន្លែង ដែលបានបំផ្លាញលំនៅឋាន នៅក្នុងទីក្រុង Perth ក្នុងពេលមានរលកកម្តៅនិទាឃរដូវដ៏កម្រ នៅប្រទេសអូស្ត្រាលីភាគខាងលិច ដោយសីតុណ្ហភាពត្រូវបានគេរំពឹងថា នឹងហក់ឡើងដល់៤០អង្សាសេ នៅថ្ងៃព្រហស្បតិ៍ទី ២៣ ខែវិច្ឆិកានេះ។

ប្រមុខរដ្ឋាភិបាលរងរដ្ឋ Western Australia ភាគខាងលិច លោកស្រី Rita Saffioti បាននិយាយក្នុងសន្និសីទសារព័ត៌មានថា លំនៅឋាន១០ខ្នង ត្រូវបានបំផ្លាញរួចហើយ ពលរដ្ឋត្រូវបានជម្លៀស ហើយក្រុមអ្នកពន្លត់អគ្គិភ័យច្រើននាក់ បានរងរបួសក្នុងការទប់ស្កាត់អណ្តាតភ្លើង នៅជាយក្រុងភាគខាងជើងទីក្រុង។

អាជ្ញាធរនិយាយថាពួកគេមានផែនការប្រើប្រាស់ មជ្ឈមណ្ឌលចត្តាឡីស័កជំងឺ Covid ដើម្បីផ្តល់ទីជម្រកដល់អ្នកទាំងឡាយណាដែលលំនៅឋានត្រូវបានបំផ្លាញដោយអគ្គិភ័យ។