កិច្ចខិតខំប្រឹងប្រែងរបស់អ៊ុយក្រែនក្នុងការធ្វើឲ្យការនាំចេញតាមសមុទ្រដំណើរឡើងវិញ ក្នុងការប្រឆាំងនឹងការបិទផ្លូវយោធារបស់រុស្ស៊ី បានផ្តល់នូវក្តីសង្ឃឹមដ៏ភ្លឺស្វាងដល់វិស័យកសិកម្ម ដែលកំពុងធ្លាក់ចុះ ដែលអ្នកផលិតដែលខាតបង់ កំពុងបោះបង់ចោលដីមួយចំនួន នៅក្នុងតំបន់គ្រាប់ធញ្ញជាតិដ៏ធំបំផុតមួយរបស់ពិភពលោក។

ដោយគ្មានទីបញ្ចប់នៅក្នុងសង្គ្រាមជាមួយរុស្ស៊ី ការចូលទៅកាន់សមុទ្រខ្មៅ គឺមានសារៈសំខាន់ ប្រសិនបើអ៊ុយក្រែន ត្រូវរក្សាឧស្សាហកម្មកសិកម្ម ដែលជាអ្នកផ្គត់ផ្គង់គ្រាប់ធញ្ញជាតិធំជាងគេទី៤នៅទូទាំងពិភពលោក មុនពេលមានជម្លោះ ហើយនៅក្នុងលក្ខខណ្ឌតម្លៃស្មើនឹងពាក់កណ្តាលនៃការនាំចេញសរុបរបស់អ៊ុយក្រែន កាលពីឆ្នាំមុន។

ខណៈពេលដែលផ្លូវនាំចេញបណ្តោះអាសន្ន និងការផ្គត់ផ្គង់ ដ៏ច្រើននៅកន្លែងផ្សេងទៀត បានកាត់បន្ថយតម្លៃស្បៀងអាហារពិភពលោក ចាប់តាំងពីឆ្នាំមុន ភាពតានតឹងលើវិស័យកសិកម្មអ៊ុយក្រែន កាន់តែអាក្រក់ទៅៗ នៅពេលដែលកិច្ចព្រមព្រៀងនាំចេញដែលគាំទ្រដោយអង្គការសហប្រជាជាតិ បានដួលរលំ ហើយប្រទេសជិតខាងសហភាពអឺរ៉ុប បានប្រមូលផ្តុំគ្នាលើការដឹកជញ្ជូនតាមផ្លូវគោក។

សមាគមពាណិជ្ជករគ្រាប់ធញ្ញជាតិអ៊ុយក្រែន (UGA) បានប៉ាន់ប្រមាណថា កសិកម្ម បានខាតបង់ជាង ២៥ពាន់លានដុល្លារ ចាប់តាំងពីសង្រ្គាម បានចាប់ផ្តើម។