នៅថ្ងៃព្រហស្បតិ៍នេះ ក្មេងៗសិស្សសាលារាប់ម៉ឺននាក់ បាននាំគ្នាដង្ហែក្បួន ដើម្បីបង្ហាញការគាំទ្ររបស់ពួកគេដល់ជនប៉ាឡេស្ទីន ស្របពេលកើតមានជម្លោះអ៊ីស្រាអែល-តំបន់ហ្គាហ្សា ។ 

ក្រុមអ្នកចូលរួមការដង្ហែក្បួន បានកាន់បដា ស្លាកសញ្ញា និងស្រែកពាក្យស្លោកគាំទ្រប៉ាឡេស្ទីននៅក្នុងរដ្ឋធានី Islamabad ។ 

លោក Sirajul Haq ដែលជាប្រធានគណបក្សនយោបាយអ៊ីស្លាមធំបំផុតរបស់ប៉ាគីស្ថានដែលជាអ្នករៀបចំបាតុកម្មនេះ បានថ្លែងសុន្ទរកថាទៅកាន់ក្រុមអ្នកចូលរួម ហើយលោកបានអំពាវនាវឲ្យធ្វើពហិការចំពោះទំនិញផលិតនៅអ៊ីស្រាអែល ។ 

គួរឲ្យដឹងថា អ៊ីស្រាអែល បានចាប់ផ្តើមធ្វើសង្រ្គាមនៅតំបន់ហ្គាហ្សា ក្រោយខ្មាន់កាំភ្លើងមកពីក្រុមជីវពលហាម៉ាស់ បានឆ្លងព្រំដែនកាលពីថ្ងៃទី ៧ ខែតុលា ដោយបានសម្លាប់មនុស្ស ១.២០០នាក់ និងចាប់ចំណាប់ថ្នូរជាង ២៤០នាក់ ។ 

ចាប់តាំងពីពេលនោះមក មនុស្សជាង ១៤.០០០នាក់ នៅក្នុងតំបន់ហ្គាហ្សា ត្រូវបានសម្លាប់ ដោយសារការទម្លាក់គ្រាប់បែក និងការវាយប្រហារតាមច្រកអកាសរបស់អ៊ីស្រាអែល ក្នុងនោះ ៤០ភាគរយនៃពួកគេគឺជាកុមារ ៕