អេត្យូពី ៖ មន្ត្រីក្នុងតំបន់ បានប្រាប់សារព័ត៌មាន BBC ថា មនុស្សជាង ៥០នាក់ បានស្លាប់នៅក្នុងតំបន់ទីហ្គ្រេ (Tigray)និងអាមហារ៉ា (Amhara)ភាគខាងជើងនៃប្រទេសអេត្យូពី ចំពេលមានគ្រោះរាំងស្ងួត និងការបង្កកជំនួយ។

អង្គការសហប្រជាជាតិ បាននិយាយដឹងថា តំបន់ញកអាហ្រិក( Horn of Africa) មានគ្រោះរាំងស្ងួរ ចាប់តាំងពីឆ្នាំ ២០១៩មក។

សហរដ្ឋអាមេរិក និងអង្គការសហប្រជាជាតិ បានផ្អាកជំនួយ កាលពីដើមឆ្នាំនេះ បន្ទាប់ពីមានការចោទប្រកាន់ពីបទលួច ដែលធ្វើឲ្យវិបត្តិមនុស្សធម៌កាន់តែអាក្រក់ឡើងៗ។

តំបន់ទីហ្គ្រេ កំពុងងើបឡើងចេញពីសង្គ្រាមស៊ីវិលរយៈពេលពីរឆ្នាំ ដែលបានបញ្ចប់កាលពីឆ្នាំមុន ខណៈពេលដែលជម្លោះ បានផ្ទុះឡើងនៅអាមហារ៉ា។

ក្រុមមន្ត្រី បាននិយាយថា មនុស្សប្រហែល ៤៦នាក់ បានស្លាប់នៅក្នុងទីក្រុងយ៉េជីឡា( Yechila) ក្នុង តំបន់ទីហ្គ្រេ ខណៈដែល៦នាក់ បានស្លាប់នៅក្នុងតំបន់អាមហារ៉ាដែលនៅជិតតំបន់Wag Hemra ដោយសារកង្វះអាហារ។