ក្បួនរថយន្តរបស់កាកបាទក្រហមអន្តរជាតិ បានដឹកចំណាប់ថ្នូរក្រុមដំបូងគេដែលត្រូវ​បាន​ដោះ​លែង​ដោយ​ក្រុមហាម៉ាស​នៅ​ក្នុង​បទ​ឈប់​បាញ់​បណ្តោះ​អាសន្ន​របស់​ខ្លួន​ជា​មួយ​កង​កម្លាំ​ងអ៊ីស្រាអែល។

មនុស្សសរុប ២៤នាក់ មានស្ត្រីនិងកុមារ១៣នាក់ជាជនជាតិអ៊ីស្រាអែល ត្រូវបាន​ដោះ​ដូរ​ជា​មួយ​ស្ត្រី និងក្មេងជំទង់ប៉ាឡេស្ទីន៣៩នាក់ ពីពន្ធនាគារនៅប្រទេសអ៊ីស្រាអែល។ វីដេអូរបស់ក្រុម Hamas ត្រូវបានគេនិយាយថាកំពុងបង្ហាញការប្រគល់ចំណាប់ថ្នូរទៅឲ្យកាកបាទក្រហម។ រដ្ឋាភិបាល​ប្រទេសកាតា ដែលដើរតួជាអ្នកសម្របសម្រួលនិយាយថា ចំណាប់​ថ្នូរ​១០​នាក់​ ដែល​នៅ​សល់​ជាពលរដ្ឋថៃ និងជាពលរដ្ឋហ្វីលីពីនម្នាក់។ ប្រភពពីសារព័ត៌មានរ៉យទ័រ បាន​រាយការណ៍​សង្ខេប​អំពី​កិច្ចពិភាក្សាដែលនិយាយថា ពលរដ្ឋថៃត្រូវបានដោះលែង នៅក្នុងកិច្ច​ព្រម​ព្រៀង​ដាច់​ដោយ​ឡែក​ពីបទឈប់បាញ់ ដែលពុំត្រូវបានគេរាយការណ៍ពីមុនមក ដែលសុទ្ធតែជាបុរស។ ពលរដ្ឋថៃ ជាកម្មករកសិដ្ឋានត្រូវក្រុមហាម៉ាសចាប់ពង្រត់អំឡុងការវាយប្រហារថ្ងៃទី ៧ ខែតុលា នៅ​ប្រទេសអ៊ីស្រាអែល។ កាកបាទក្រហមកំពុងដើរតួជាអ្នកសម្របសម្រួល ហើយ​បាន​នាំ​ក្រុម​របស់​ពួក​គេឆ្លងកាត់ព្រំដែនទៅកាន់ប្រទេសអេហ្ស៊ីប។ មាន​ទិដ្ឋភា​ព​នៃ​ភា​ព​សប្បាយ​រីក​រាយ​នៅ​តំបន់ ​West Bank សម្រាប់អ្នកទោសប៉ាឡេស្ទីនដែលត្រូវបានដោះលែង។ នាយក​រដ្ឋ​មន្ត្រី​អ៊ីស្រាអែល​លោក Benjamin Netanyahu បានប្តេជ្ញាថានឹង​នាំយក​ចំណាប់​ខ្មាំង​ទាំង​អស់​មក​ប្រទេ​សវិ​ញ។ លោកនិយាយថា នេះគឺជាគោលដៅមួយក្នុងចំណោមគោលដៅនៃសង្រ្គាម ហើយ​យើង​ប្តេជ្ញា​សម្រេចឱ្យបាននូវគោលដៅទាំងអស់ក្នុងសង្រ្គាម។

ប្រធានាធិបតីសហរដ្ឋអាមេរិកលោក Joe Biden បាននិយាយថា ការដោះ​លែ​ង​ចំណាប់​ខ្មាំង​ក្រុម​ដំបូង​កាល​ពីថ្ងៃសុក្រ ដែលក្រុមហាម៉ាស់បានចាប់គឺគ្រាន់តែជា «ការចាប់ផ្តើម» ហើយនឹង​មាន​ឱកាស ពិតប្រាកដ ដើម្បីបបន្ថែមពេលបទឈប់បាញ់បណ្តោះអាសន្ននៅហ្កាហ្សា។