ក្រុមបាតុករគាំទ្រប៉ាឡេស្ទីន បានមកប្រមូលផ្តុំគ្នានៅទីលាន Washington ទីក្រុងញូវយ៉ក កាលពីថ្ងៃសុក្រ ទី២៤ ខែវិច្ឆិកា ដើម្បីតវ៉ាប្រឆាំងនឹងអ្វីដែលពួកគេចាត់ទុកថាជាការចូលកាន់កាប់ដោយខុសច្បាប់នៅលើដែនដីប៉ាឡេស្ទីន។
ក្រុមជាច្រើនដូចជាចលនាយុវជនប៉ាឡេស្ទីន Al-Awda NY និងវេទិកាប្រជាជន បានមកចូលរួមក្នុងបាតុកម្មនេះ។ បាតុករគាំទ្រអ៊ីស្រាអែល មានកាន់ទង់ជាតិអ៊ីស្រាអែលក៏បានមកបង្ហាញខ្លួននៅទីលានវ៉ាស៊ីនតោននេះផងដែរ។
កាលពីថ្ងៃសុក្រ គឺជាថ្ងៃដំបូងនៃបទឈប់បាញ់ក្នុងសង្រ្គាម អំឡុងពេលដែលក្រុមអ្នកប្រយុទ្ធហាម៉ាស បានដោះលែងចំណាប់ថ្នូរ ២៤នាក់ រួមមានស្ត្រី និងកុមារជនជាតិអ៊ីស្រាអែល និងកម្មករកសិដ្ឋានជនជាតិថៃ។
នៅក្រោមលក្ខខណ្ឌនៃបទឈប់បាញ់រវាងអ៊ីស្រាអែល-ក្រុមហាម៉ាស រយៈពេលបួនថ្ងៃ ចំណាប់ថ្នូរជាស្ត្រី និងកុមារ ៥០ នាក់ នឹងត្រូវដោះលែងក្នុងរយៈពេល ៤ ថ្ងៃ ជាការដោះដូរជាមួយស្ត្រី និងកុមារប៉ាឡេស្ទីន ១៥០ នាក់ក្នុងចំណោមអ្នកជាប់ឃុំរាប់ពាន់នាក់នៅក្នុងពន្ធនាគារអ៊ីស្រាអែល។
អ៊ីស្រាអែលនិយាយថា បទឈប់បាញ់អាចត្រូវបានបន្ថែមពេល ប្រសិនបើចំណាប់ថ្នូរកាន់តែច្រើនត្រូវបានដោះលែងក្នុងអត្រា ១០នាក់ ក្នុងមួយថ្ងៃ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
