យោងតាមអ្នកនាំពាក្យយោធារបស់អ៊ីស្រាអែល បាននិយាយកាលពីថ្ងៃសុក្រថា កងកម្លាំងអ៊ីស្រាអែលដែលប្រើបទឈប់បាញ់រយៈពេល ៤ ថ្ងៃជាមួយក្រុមហាម៉ាស់ កំពុងត្រៀមខ្លួន សម្រាប់ដំណាក់កាលបន្ទាប់ នៃប្រតិបត្តិការរបស់ពួកគេនៅក្នុងតំបន់ហ្កាហ្សា ។
ឧត្តមនាវីឯក Daniel Hagari បានធ្វើសន្និសីទសារព័ត៌មានភ្លាមៗ បន្ទាប់ពីចំណាប់ថ្នូរស្ត្រី និងកុមារ អ៊ីស្រាអែល ១៣ នាក់ ត្រូវបានដោះលែងពីតំបន់ហ្កាហ្សា។
យោងតាមអាជ្ញាធររបស់អ៊ីស្រាអែលបានឲ្យដឹងថា ពួកគេត្រូវបានចាប់ជាចំណាប់ថ្នូរដោយក្រុមសកម្មប្រយុទ្ធហាម៉ាសអស់រយៈពេល ៤៩ថ្ងៃ ចាប់តាំងពីថ្ងៃទី ៧ ខែតុលា នៅពេលដែលខ្មាន់កាំភ្លើងរបស់ក្រុមសកម្មប្រយុទ្ធបានសម្រុកចូលទីប្រជុំជននិងភូមិនានារបស់អ៊ីស្រាអែល ដោយបានសម្លាប់មនុស្ស ១.២០០នាក់ និងចាប់ចំណាប់ខ្មាំងប្រហែល ២៤០នាក់។
យោងតាមអាជ្ញាធរសុខាភិបាលប៉ាឡេស្ទីន បានឱ្យដឹងថា ការសម្រុកចូលដ៏ឃោឃៅនេះ បានជំរុញឱ្យភាគីអ៊ីស្រាអែល បើកការវាយប្រហារយោធាដ៏មហន្តរាយប្រឆាំងក្រុមហាម៉ាសនៅក្នុងតំបន់ហ្កាហ្សា ដោយបានសម្លាប់ប្រជាជនហ្កាហ្សាប្រមាណ ១៤.០០០នាក់។
ជនជាតិថៃ១០នាក់ និងហ្វីលីពីនម្នាក់ ក៏ត្រូវបានក្រុមហាម៉ាសចាប់ពង្រត់ផងដែរ ហើយត្រូវបានដោះលែងកាលពីថ្ងៃសុក្រ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
