​បាល់ទាត់៖ ​ខ្សែបម្រើ​ដា​ណឺ​ម៉ាក Christian Eriksen នៅ​ពេល​នេះ​ស្ថិត​ក្នុង​ស្ថានភាព​​ល្អ​ប្រសើរ​ច្រើន​ហើយ ​បន្ទាប់ពី​ដួល​សន្លប់​អំឡុង​ការប្រកួត​ទល់នឹង​ហ្វាំ​ង​ឡង់ ​កាលពី​ថ្ងៃ​សៅរ៍​នៅ Euro ២០២០​។

​​វេជ្ជបណ្ឌិត​របស់​ក្រុម​ដា​ណឺ​ម៉ា​ក​ លោក Morten Boesen បាន​និយាយ​ថា Eriksen ដែល​បាន​ដួល​សន្លប់​មុន​ចប់​វគ្គ​ទី​១ ជំនួប​រវាង​ដា​ណឺ​ម៉ាក និង​ហ្វាំ​ង​ឡង់​នោះ​គឺ​ដោយសារ​គាំងបេះដូង​។ ​​ថ្វីបើ​អាការៈ​របស់​កីឡាករ Inter Milan រូប​នេះ​​ល្អ​ប្រសើរ​ក៏ដោយ Eriksen ត្រូវ​សម្រាក​នៅ​មន្ទីរពេទ្យ​បន្ត​ទៀត​ដើម្បី​តាន​ដាន​។ ​Eriksen ក៏បាន​ដឹងខ្លួន​វិញ​ដែរ ​និង​បាន​ផ្ញើ​សារ​ទៅកាន់​មិត្ត​រួម​ក្រុម​របស់​ខ្លួន និង​អរគុណ​អ្នក​រាល់គ្នា​ចំពោះ​ការ​បារម្ភ និង​ក្តី​ស្រលាញ់​។ ​ហេតុការណ៍​របស់ Eriksen បាន​ធ្វើ​ឲ្យ​ពិភព​បាល់ទាត់​ទូទាំង​ពិភពលោក​មានការ​តក់​ស្លុត និង​បួ​ក​សួង​ឲ្យ Eriksen រួច​ផុត​ពី​គ្រោះថ្នាក់​។

​​កីឡាករ​ដែល​បាន​ស៊ុត​បញ្ចូល​ទី​នៅ Euro ២០២០ ចុង​សប្ដាហ៍​កន្លងទៅ​មួយ​ចំនួន​មិនបាន​អបអរ​គ្រាប់​បាល់​របស់​ខ្លួន​ឡើយ និង​យក​ការ​អបអរ​នោះ​ទៅជា​ការ​ឧទ្ទិស និង​លើកទឹកចិត្ត​ដល់ Eriksen ដូចជា​អ្នក​ស៊ុត​បញ្ចូល​ទី​ឲ្យ​ហ្វាំ​ង​ឡង់ Pohjanpalo, Romelu Lukaku របស់​ប៊ែ​ល​ហ្ស៊ិ​ក និង​គ្រាប់​របស់ Lainer ស៊ុត​នាំមុខ​ឲ្យ​អូទ្រីស​លើ​ម៉ា​សេ​ដ្វា​ន់​ខាងជើង​យប់មិញ​ជាដើម​៕

​អត្ថបទ​៖​នាង សុភា​វុ​ធ