ក្រសួងការបរទេសអ៊ីស្រាអែលកាលពីថ្ងៃសុក្រ បានកោះហៅឯកអគ្គរដ្ឋទូតនៃប្រទេសអេស្ប៉ាញ និង​បែលហ្ស៊ិកជុំវិញ «ការស្តីបន្ទោសយ៉ាងធ្ងន់ធ្ងរ» ចំពោះការអត្ថាធិប្បាយ​របស់​មេដឹកនាំ​ប្រទេស​ទាំង​ពីរ​អំពីការវាយលុករបស់អ៊ីស្រាអែល នៅតំបន់ហ្កាហ្សា។

ក្រសួងការបរទេសអេស្ប៉ាញ បានផ្ទុះឡើងភ្លាមៗ ដោយការ​ហៅ​ឯកអគ្គ​រដ្ឋ​ទូត​អ៊ីស្រាអែល​ឲ្យ​ពន្យល់​ពី​ការចោទប្រកាន់ «មិនពិត និងមិនអាចទទួលយកបាន» របស់រដ្ឋាភិបាលរបស់លោកស្រី ប្រឆាំង​នឹងនាយករដ្ឋមន្ត្រីអេស្ប៉ាញ។

ដោយទៅ​ទស្សនកិច្ចច្រកព្រំដែន Rafah រវាងតំបន់ហ្កាហ្សា និងប្រទេសអេហ្ស៊ីប កាលពីថ្ងៃសុក្រ នាយករដ្ឋមន្ត្រីបែលហ្ស៊ិក លោក Alexander De Croo បាននិយាយថា «ប្រតិបត្តិការ​របស់​អ៊ីស្រាអែល ចាំបាច់ត្រូវគោរពច្បាប់មនុស្សធម៌អន្តរជាតិ ហើយបានចាត់ទុកការបំផ្លិចបំផ្លាញ នៅ​តំបន់​ហ្កាហ្សា​ស្ទ្រីបថា «មិនអាចទទួលយកបានទេ»។

នាយករដ្ឋមន្ត្រីអេស្ប៉ាញលោក Pedro Sanchez បានបញ្ជាក់ពីទស្សនៈរបស់ខ្លួន ដោយនិយាយថា «ការសម្លាប់ជនស៊ីវិលស្លូតត្រង់ នៅក្នុងទឹកដីប៉ាឡេស្ទីនគឺ «មិន​អាចទទួល​យក​បាន​ទាល់​តែ​សោះ»​។