ទីភ្នាក់ងារអង្គការសហប្រជាជាតិ បានសម្តែងក្តីសង្ឃឹមថា បទឈប់បាញ់ដ៏រង្គោះរង្គើ ដែល​បាន​ចាប់​ផ្តើម រវាងអ៊ីស្រាអែល និងក្រុមហាម៉ាស កាលពីថ្ងៃសុក្រ នឹងអនុញ្ញាត​ឲ្យ​មាន​ការ​កើន​ឡើង​នៃ​ជំនួយ និងលំហូរដំបូងទៅកាន់តំបន់ហ្កាហ្សាភាគខាងជើងក្នុងរយៈពេលប៉ុន្មានសប្តាហ៍ ខណៈ​ដែល​កិច្ច​ខិតខំប្រឹងប្រែងជួយសង្គ្រោះមន្ទីរពេទ្យថ្មីៗ កំពុងដំណើរការ។

ក្រុមទីភ្នាក់ងារជំនួយ បាននិយាយថា ពួកគេមាន បំណង​បញ្ជូន​ការ​ផ្គត់​ផ្គង់​ទៅ​កាន់​ផ្នែក​ខាង​ជើង​នៃដែ​នដី ប៉ាឡេស្ទីន ជាកន្លែងដែលមន្ទីរពេទ្យ បានដួលរលំដោយសារតែការទម្លាក់គ្រាប់បែក និង​កង្វះ​ប្រេងឥន្ធនៈ និងជាកន្លែងដែលមានការព្រួយបារម្ភខ្លាំងអំពីការខ្សោះជាតិទឹក និងជំងឺ នៅ​ក្នុងស្ថានភាព ដែលត្រូវបានពិពណ៌នាថា ជាការឡោមព័ទ្ធនៅក្នុងឡោមព័ទ្ធមួយទៀត។

ប៉ុន្តែ​ពួកគេនិយាយថា បទឈប់បាញ់ជាអចិន្ត្រៃយ៍បន្ថែមទៀត គឺត្រូវបានទាមទារ ដើម្បី​ផ្តល់​ជំនួយ​ដ៏​ច្រើន ដើម្បីដោះស្រាយតម្រូវការពេញលេញរបស់តំបន់ហ្កាហ្សា ដោយជិត៣ ភាគ៤ នៃ​ចំនួន​ប្រជាជន ឬ ប្រហែល ១,៧ លាននាក់ ត្រូវផ្លាស់ទីលំនៅ រាប់ពាន់នាក់ បានស្លាប់ និង​ជា​ច្រើន​នាក់​ទៀត អាចស្លាប់ និងនៅរស់ ដោយគេគិតថា បានជាប់ខ្លួន នៅក្រោមគំនរបាក់បែក។

លោក James Elder អ្នកនាំពាក្យរបស់ទីភ្នាក់ងារកុមាររបស់UN ប្រចាំតំបន់ហ្កាហ្សា បាន​និយាយថា «ភាគខាងជើង បានទទួលរងនូវការឈឺចាប់យ៉ាងខ្លាំង ដូច្នេះវាជា​អាទិភាព​ដ៏​ធំ​មួយ​របស់​យើង​នៅទូទាំងភ្នាក់ងាររបស់UN ដោយមិនគិតពីអ្វីដែលជាការដឹកជញ្ជូនទេ គឺ​ត្រូវ​ទៅ​ភាគ​ខាង​ជើង»​។