កីឡាការិនីហែលទឹកជម្រើសជាតិកម្ពុជា កាំង ម៊ុយនីន ឈ្នះមេដាយមាស១ លើវិញ្ញាសាហែលពាក់ជើងទាចម្ងាយ ១០០ម៉ែត្រ Bifint. Junior Final បញ្ចប់ក្នុងថេរវេលា ៥០,៦៦វិនាទី នាំមុខម្ចាស់ផ្ទះថៃ កីឡាការិនី Nusanee Chandaem ប្រើថេរវេលា ៥១,៥១ វិនាទី ទទួលបានមេដាយប្រាក់។

ចំណែកកីឡាការិនី ឃឺន ប៊ុនពេជ្រមរកត ទទួលបានមេដាយសំរឹទ្ធ បន្ទាប់ពីប្រើថេរវេលា ៥២,០៩វិនាទី។ យោងតាមរបាយការណ៍សហព័ន្ធខ្មែរកីឡាហែលទឹក ប្រធានប្រតិភូដឹកនាំដោយលោក ហែម គិរី អគ្គលេខាធិការ គ្រូបង្វឹក១នាក់ និងអត្តពលិក ៤នាក់ក្នុងនោះមានកីឡាករ ទួន ទិត្យសត្យា, លឹម សុខវឌ្ឍន៍នន្ទ,កីឡាការិនី កាំង ម៊ុយនីន និងឃឺន ប៊ុនពេជ្រមរកត។

សូមបញ្ជាក់ថា ការប្រកួតកីឡាហែលទឹកពាក់ជើងទា 18th ASIAN FIN SWIMMING CHAMPIOSHIPS នៅខេត្តភូកេត ប្រទេសថៃ។ ការប្រកួតចាប់ផ្តើមពីថ្ងៃទី២៤ រហូតដល់២៨ ខែវិច្ឆិកា ឆ្នាំ២០២៣៕