ភ្នំពេញ ៖ ក្រុមអាជីវករ មានក្តីរំពឹងខ្ពស់ ក្នុងការលក់ដូរផលិតផលរបស់ខ្លួន និងអាចរកចំណូលបានច្រើន ក្នុងព្រះរាជពិធីបុណ្យអុំទូក បណ្តែត ប្រទីប និងសំពះព្រះខែ អកអំបុកនេះ និងជាឱកាសយ៉ាងសំខាន់ សម្រាប់ការព្វផ្សាយនូវផលិតផល ដើម្បីស្វែងរកការគាំទ្រពីប្រជាពលរដ្ឋ បន្ថែម។

​ក្រុមអាជីវករដែលលក់ដូរផលិតផល ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកនេះ នៅក្នុងថ្ងៃទី ១ នៃពិធីបុណ្យអុំទូកក្នុងឆ្នាំនេះ សង្កេតឃើញថា ការលក់ដូររបស់ក្រុមអាជីវករ មានលក់ដូរលើផលិតផលិតចម្រុះរួមមាន របស់របរ ប្រើប្រាស់ ជាពិសេសចំណីអាហារ សម្រាប់បម្រើការហូបចុក មានផលិតផលក្រៀម ផលិតផលវេចខ្ចប់ និងការលក់ដូរនំចំណីអាហារ ធ្វើស្រស់ៗជាដើម ព្រោះនៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក និងមានប្រជាពលរដ្ឋមកពីគ្រប់ទិស ទីចូលរួមក្នុងពិធីនេះផងដែរ។

ជុំវិញការលក់ដូរក្នុងព្រឹត្តិការណ៍នេះវិញ ក្រុមអាជីវករទាំងនោះ បានលើកឡើងស្រដៀងគ្នាថា នេះជាឱកាសដ៏ល្អសម្រាប់ពួក គាត់ ដើម្បីផ្សព្វផ្សាយផលិតផល ការស្វែងរកចំណូល ជាពិសេសចង់ផ្សព្វផ្សាយផលិតផលរបស់ពួកគាត់ ឲ្យប្រជាជនបានស្គាល់ និង គាំទ្រផលិតផល ជាពិសេសផលិតផលជាតិ ដែលផលិតនិងវេចខ្ចប់ដោយកូនខ្មែរ មានគុណភាព និងសុវត្ថិភាពខ្ពស់ និងក៏ជាការចូល រួមអបអរសាទរក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកដែលប្រព្រឹត្តិទៅក្នុងពេលថ្ងៃ។ស

នៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកនាឆ្នាំនេះ បន្ទាប់ពីខកខានប៉ុន្មានឆ្នាំកន្លងមក ឃើញថាក្នុង ឆ្នាំនេះ ក្រុមអាជីវករ ផលិតករ និងសិប្បករ បានចូលរួមតាំងពិព័រណ៍ និងលក់ផលិតផលរបស់ខ្លួនជាច្រើន និងមានគ្រប់មុខ ដើម្បីចូល រួមចំណែកក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកផង ការផ្សព្វផ្សាយ និងលក់ផលិតផលផដែរ។

សូមបញ្ជាក់ថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣ នេះ មានទូកចូលរួមប្រណាំងសរុប ៣៣៨ទូក ក្នុងនោះទូកអុំ មានចំនួន ១៥៨ ទូក, ទូកចែវ បុរស ៤២ ទូក, ទូកចែវនារី ១ទូក ,ទូកខ្នាតអន្តរជាតិបុរស ចំនួន ១៣៥ ទូក នារី ២ទូក, មានចំណុះទូកសរុបទាំងអស់ ចំនួន ២០៤៤ នាក់ ដែលមកពីក្រសួង-ស្ថាប័ន អង្គភាព និងរដ្ឋបាលរាជធានី-ខេត្ត សរុប ២៥។ សម្រាប់ឆ្នាំ ២០២៣នេះដែរ ប្រទីបចំនួន ៣០ ក្នុងនោះមកពីក្រសួង និងស្ថាប័នរដ្ឋ ចំនួន ២៨ ប្រទីបវិស័យឯកជន ចំនួន២ នឹង ធ្វើការបណ្តែតតាមដងទន្លេសាបមុខព្រះបរមរាជវាំង ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ក្នុង ព្រះរាជពិធីក៏មានប្រជាជនមកពីគ្រប់ទិសទីដើរកម្សាន្ត និងទស្សនាព្រះរាជពិធីបុណ្យអុំទូក បណ្តែតប្រទីបជាដើម៕ អត្ថបទ៖ សុន រ៉ាឌី