អុីស្រាអែល ៖ មន្ទីរពេទ្យកុមាមួយក្នុងប្រទេសអ៊ីស្រាអែលកាលពីថ្ងៃសៅរ៍ បានផ្សព្វផ្សាយពីរូបភាពឱបក្មេងដែលត្រូវបានដោះលែងពីការចាប់ឃុំខ្លួនក្នុងតំបន់ហ្កហ្សា កាលពីថ្ងៃសុក្រនោះ កំពុងជួបជុំក្រុមគ្រួសាររបស់ពួកគេ

ឡើងវិញហើយ។

កុមារឈ្មោះអូហាត មុនឌើរ (Ohad Munder) អាយុ៩ឆ្នាំ ដែលបានចំណាយពេលថ្ងៃខួបកំណើតរបស់គេជាអ្នកជាប់ឃុំនោះ គឺជាអ្នកស្ថិតនៅក្នុងចំណោមក្មេង៤នាក់ ដែលត្រូវបានក្រុមហាម៉ាសដោះលែង ហើយបានវឹលត្រឡប់ទៅប្រទេសអ៊ីស្រាអែលវិញជាមួយម្ដាយ និងជីដូនរបស់ខ្លួន នៅថ្ងៃដំបូងនៃបទឈប់បាញ់ ៤ថ្ងៃដែលតាមការគ្រោងទុក ហើយនិងការដោះដូរអ្នកទោសប៉ាលេស្ទីន។

រូបភាពវីដេអូដែលបញ្ចេញដោយមជ្ឈមណ្ឌលវេជ្ជសាស្រ្ដកុមារ ស្នាយឌើរ បានបង្ហាញកុមារអូហាត កំពុងរត់ចុះតាមច្រករបៀងមន្ទីរពេទ្យមួយ រត់ចូលទៅក្នុងដៃឪពុករបស់ខ្លួនដែលបានលើកចាំជាស្រេច ខណៈអ្នកទាំងពីរបានជួបជុំគ្នាឡើងវិញបន្ទាប់ពីបែកគ្នាអស់ជិត៥០ថ្ងៃ ដោយមិនមានទំនាក់ទំនងអ្វីសោះ។

មន្ទីរពេទ្យក៏បានផ្សព្វផ្សាយរូបថតរបស់អ្នកស្រីដានីញ៉ែល អាឡូនី និងកូនស្រីរបស់អ្នកស្រីអាយុ៦ឆ្នាំឈ្មោះ អេមីលីយ៉ា កំពុងញញឹមផងដែរ។

ឪពុករបស់កុមាអូហាត (Ohad) បាននិយាយថា ម្ដាយឈ្មោះ ខេរេន(Keren)អាយុ៥៤ឆ្នាំ និងជីដូនឈ្មោះរុស្ស (Ruth) អាយុ៧៨ឆ្នាំ គឺមានស្ថានភាពល្អ និងមានសុខភាពល្អទាំងអស់គ្នាទេ។ប៉ុន្ដែ ជីតារបស់ អូហាត ឈ្មោះអាវរ៉ាហាម មុនឌើរ (Avraham Munder) អាយុ៧៨ឆ្នាំនៅតែជាប់ជាចំណាប់ថ្នូរក្នុងតំបន់ហ្កាហ្សា នៅឡើយ៕