កូរ៉េខាងត្បូង ៖ រដ្ឋមន្រ្ដីកាបរទេសកូរ៉េខាងត្បូង លោកប៉ាក់ ជីន បានជួបជាមួយរដ្ឋមន្រ្ដីកាបរទេសចិនលោក វ៉ាង យីក្នុងក្រុងប៊ូសាន នៅមុនកិច្ចប្រជុំទ្វេភាគីជាមួយភាគីជប៉ុន នៅថ្ងៃអាទិត្យនេះ។

កិច្ចប្រជុំរបស់ក្រុមរដ្ឋមន្រ្ដីកាបរទេសក្នុងក្រុងប៊ូសាន បានធ្វើឡើង បន្ទាប់ប្រទេសកូរ៉េខាងជើង បាននិយាយថា ខ្លួនបានដាក់ផ្កាយរណបស៊ើបការណ៍លើកដណបូងរបស់ខ្លួននៅក្នុងគន្លងតារាវិថី ដែលធ្វើអោយមានការថ្កោលទោសជាអន្ដរជាតិចំពោះការរំលោភលើសេចក្តីសម្រេចរបស់សហប្រជាជាតិ ដែលហាមប្រាមការប្រើប្រាស់បច្ចេកវិទ្យារបស់ខ្លួន ដែលអាចអនុវត្ដន៍ចំពោះកម្មវិធីមីស៊ីលបាលីស្ទីក។វាក៏ជាជាជំនួបកំពូលលើកដំបូងផងដែររបស់ក្រុមមេដឹកនាំក្នុងរយៈពេល៤ឆ្នាំ តាមរយៈជំនួបចុងក្រោយក្នុងឆ្នាំ២០១៩។

ដោយឡែក កិច្ចពិភាក្សានេះបានធ្វើឡើង ស្របពេលដែលកូរ៉េខាងត្បូង និងជប៉ុន បានមើលឃើញពីចំណងមិត្តភាពរបស់ពួកគេកំពុងប្រសើរឡើង ហើយថែមទាំងបង្កើនកិច្ចសហប្រតិបត្ដការសន្ដិសុខអោយកាន់តែស៊ីជម្រៅជាមួយសហរដ្ឋអាមេរិក ខណៈការព្រួយបារម្ភកាន់តែមានច្រើនឡើងៗទៅលើការកើនឡើងនៃឥទ្ធិពលរបស់ចិនក្នុងតំបន់។

ក្រុងប៉េកាំងកាលពីពេលមុន បានព្រមានថា កិច្ចប្រឹងប្រែងរបស់សហរដ្ឋអាមេរិកដើម្បីពង្រឹងចំណងមិត្តភាព ជាមួយកូរ៉េខាងត្បូងនិងជប៉ុន អាចនឹងធ្វើឲ្យភាពតានតឹងនិងការប្រឈមដាក់គ្នានៅក្នុងតំបនកាន់តែកើនឡើង៕