​អង់គ្លេស៖ សកម្មជន​អាកាសធាតុ​បាន​ចេញ​ដង្ហែ​ក្បួន​ជាថ្មី​ តាម​រូបភាព​បែប​អ្នកទោស​នៅ​ទីក្រុង Cornwall កាលពី​ថ្ងៃ​សៅរ៍​ ដើម្បី​ទាក់ទាញ​ការចាប់អារម្មណ៍​ទៅលើ​អ្វី​ដែល​ពួកគេ​និយាយ​ថា ​ជា​ឧក្រិដ្ឋកម្ម​បរិស្ថាន​នៃ​ពិភពលោក​បច្ចុប្បន្ន​។​

​នៅ​ក្នុង​ក្បួន​អ្នកទោស​មាន​អ្នកចូលរួម​ចំនួន ១០០​នាក់​បាន​ដើរ​យ៉ាង​ស្ងាត់ស្ងៀម​ អម​ដោយ​សំឡេង​ស្គរ​តិចៗ​នៅ​ក្នុង​ទីប្រជុំ​ឆ្នេរសមុទ្រ Falmouth ជា​មូលដ្ឋាន​នៃ​មជ្ឈមណ្ឌល​ព័ត៌មាន​អន្តរជាតិ​នៃ​ជំនួប​កំពូល G-7​។​ ពួកគេ​ដើរ​ក្រោម​ពាក្យស្លោក​ថា ​“ការ​ផ្ដល់​មូលនិធិ​អាកាសធាតុ​ប្រៀប​ដូច​ឋាននរក​”។​ ក្រុម​អ្នក​តវ៉ា​បារម្ភ​ថា​ ការ​ស្តារ​សេដ្ឋកិច្ច​ក្រោយ​ការ​ធូរស្រាល​ជំងឺ COVID-19 នឹង​ជំរុញ​ការ​បញ្ចេញ​កាបូន​កាន់តែ​ខ្ពស់​ជាង​មុន​។​

​បណ្ដា​មេដឹកនាំ​ប្រទេស​មាន​សេដ្ឋកិច្ច​លូតលាស់​ទាំង​៧ ដែល​រួមមាន​អង់គ្លេស អាមេរិក អាល្លឺម៉ង់ បារាំង អ៊ីតាលី កាណាដា និង​ជប៉ុនបាន​ប្រព្រឹត្តិ​ទៅ​នៅ​ក្នុង​ទីក្រុង Cornwall របស់​ចក្រភព​អង់គ្លេស​សម្រាប់​ជំនួប​កំពូល G7​។ បម្រែបម្រួល​កាស​ធាតុ​គឺជា​ប្រធានបទ​មួយ ​នៅ​ក្នុង​របៀបវារៈ​សំខាន់ៗ​ជា​ច្រើន ហើយ​នៅ​ចុង​ឆ្នាំនេះ​កិច្ចប្រជុំ​កំពូល​អាកាសធាតុ​ពិភពលោក COP26 នឹង​ត្រូវ​ធ្វើឡើង​នៅ​ទីក្រុង Glasgow ដែនដី​ស្កុ​ត​ឡែន​របស់​អង់គ្លេស​៕

អត្ថបទ៖ សុខមាន