អង្គភាពសង្គ្រោះបន្ទាន់ទីក្រុង បាននិយាយនៅក្នុងសេចក្តីថ្លែងការណ៍ថា មនុស្ស១៣នាក់ បានស្លាប់ដោយសារអគ្គិភ័យនៅសណ្ឋាគារមួយកន្លែង នៅក្នុងទីក្រុង Almaty ជាទីក្រុងធំបំផុតរបស់ប្រទេសកាហ្សាក់ស្ថាន នៅថ្ងៃព្រហស្បតិ៍នេះ។

អង្គភាពនគរបាលទីក្រុង Almaty បាននិយាយថា ជនរងគ្រោះ៩នាក់គឺជាជនជាតិកាហ្សាក់ស្ថាន ២នាក់មកពីប្រទេសរុស្ស៊ី និង២នាក់ទៀតមកពីប្រទេសអ៊ូសបេគីស្ថាន។

គេហទំព័រ Zakon.kz បានដកស្រង់សម្តីអាជ្ញាធរ បាននិយាយថា អគ្គិភ័យបានឆាបឆេះឡើង នៅពេលព្រឹក នៅអគារកម្ពស់៣ជាន់ ដែលជាន់ផ្ទាល់ដី និងជាន់ទី១ មានភ្ញៀវស្នាក់នៅ៧២នាក់។

ជនរងគ្រោះបានស្លាប់ដោយសារតែពុលសារធាតុម៉ូណូស៊ីតកាបូន ខណៈមនុស្ស៥៩នាក់ផ្សេងទៀតដែលនៅសល់ បានចាកចេញពីអគារ។

មនុស្ស៤នាក់ បានស្វែងរកជំនួយផ្នែកវេជ្ជសាស្ត្ររួមមាននិស្សិតម្នាក់មកពីប្រទេសឥណ្ឌា ហើយមូលហេតុនៃអគ្គិភ័យនៅតែពុំទាន់ដឹងច្បាស់នៅឡើយ។

រដ្ឋាភិបាល និយាយថាខ្លួន បានបង្កើត គណៈកម្មាធិការពិសេសមួយ ដើម្បីស៊ើបអង្កេតពីអគ្គិភ័យនេះ។