អតីតឯកអគ្គរដ្ឋទូតអង្គការសហប្រជាជាតិ លោកស្រី នីកគី ហាលី បានពិចារណាអំពីដំណោះស្រាយរដ្ឋពីរកាលពីថ្ងៃអង្គារ ដោយលើកហេតុផលថា៖«វាមិនមែនជាការសន្ទនាពិត»ទេ ពីព្រោះប៉ាឡេស្ទីន និងអ៊ីរ៉ង់«មិនចង់បាន» មុនពេលដែលរំពឹងទុកអំពីការបញ្ចប់បទឈប់បាញ់បណ្តោះអាសន្នរវាងអ៊ីស្រាអែល និង ហាម៉ាស។

នៅពេលសួរដោយអ្នកបោះឆ្នោតនៅសាលាក្រុងនៅទីនេះថាតើដំណោះស្រាយរដ្ឋពីរ អាចធ្វើទៅបានរវាងអ៊ីស្រាអែលនិងប៉ាឡេស្ទីន បេក្ខជនប្រធានាធិបតីបក្សGOP ឆ្នាំ២០២៤ រូបនេះ បាននិយាយថា នៅពេលលោកស្រី កំពុងធ្វើការនៅអង្គការសហប្រជាជាតិ «វាមិនមែនអ៊ីស្រាអែលជាអ្នកប្រឆាំងនឹងដំណោះស្រាយរដ្ឋពីរនោះទេ»។

លោកស្រី បាននិយាយថា៖«ប៉ាឡេស្ទីន និងអ៊ីរ៉ង់ តែងតែងប្រឆាំងនឹងដំណោះស្រាយរដ្ឋពីរ។ ពួកគេមិនដែលចង់បាននោះទេ ពីព្រោះពួកគេចង់លុបបំបាត់អ៊ីស្រាអែលទាំងស្រុង» ដោយបន្ថែមថា «អ្វីក៏ដោយដែលអ៊ីស្រាអែលនិយាយ គឺថា ពួកគេនឹងធ្វើយ៉ាងណាឲ្យពួកគេមានសុវត្ថិភាព ខ្ញុំនឹងគាំទ្រ»។

ក្នុងឆ្នាំ២០១៧ លោកស្រី ហាលី បានគាំទ្រដំណោះស្រាយរដ្ឋពីរ ខណៈពេលដែលលោកស្រី ជាឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ។