ថ្លែងនៅក្នុងកិច្ចប្រជុំពេញអង្គគណៈរដ្ឋមន្ត្រី នាព្រឹកថ្ងៃទី១ ខែធ្នូ ឆ្នាំ២០២៣ ឯកឧត្ដម​សាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានបញ្ជាក់​ឱ្យ​ដឹង​ពី​ការ​រៀបចំ​ពង្រឹងគុ​ណភាព​សេវា​សុខាភិបាល បន្ថែម តាមរយៈការពង្រឹងសេវាសង្គ្រោះបន្ទាន់ និងសេវាវះ​កាត់​ព្យាបាល​ជំងឺ​នៅ​តាម​មន្ទីរ​ពេទ្យបង្អែក ក្នុងស្រុកនីមួយៗថែមទៀត។

ឯកឧត្ដមបន្តថា ក្រៅពីនេះក្រសួងក៏នឹងដាក់ឱ្យមានរថយន្តសង្គ្រោះប្រចាំការ ២៤ ម៉ោងលើ ២៤ ម៉ោង ផងដែរ ដើម្បីត្រៀមជួយដល់ពលរដ្ឋដែលមានតម្រូវការសង្គ្រោះបន្ទាន់។

ដើម្បី​ឱ្យការងារពង្រឹងសេវាសុខាភិបាលកាន់តែប្រសើរថែមទៀត ក្រសួងក៏បានស្នើសុំគ្រូពេទ្យជិត ១០០០ នាក់បន្ថែមទៀត ដើម្បីពង្រាយនៅគ្រប់តំបន់ និងមានគ្រូពេទ្យប្រចាំការជាប្រចាំ ដើម្បីរ​ង់​ចាំ​ជួយសង្គ្រោះ និងព្យាបាលជំងឺជូនពលរដ្ឋ។

វិស័យសុខាភិបាលនៅកម្ពុជាមានការរីកចម្រើនជាបន្តបន្ទាប់ តាមរយៈ​ការ​អភិវឌ្ឍ​សាង​សង់​មន្ទីរ​ពេទ្យកាន់តែទំនើប ការពង្រាយមណ្ឌលសុខភាពនៅតាមតំបន់នានា គ្រូពេទ្យ​កម្ពុជា​ក៏​មាន​សមត្ថភាព​ប្រហែលនឹងប្រទេសរីកចម្រើននានាផងដែរ ដោយអាចវះកាត់ប្ដូរផ្លាស់បេះដូងបាន វះកាត់​ផ្លាស់ប្ដូរសរីរាង្គនា នាបាន វះកាត់យកចេញសរីរាង្គដែលខុសពីធម្មជាតិ មកធម្មតា​វិញ​ជា​ដើម​៕ដោយ៖ គង់ ឌិន